web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive/Partia Demokratike mbyll nesër çadrën

12 Maj 2017, 11:48, Aktualitet CNA

CityNews ka mësuar nga burime zyrtare pranë Partisë Demokratike se ditën e nesërme në protestën e thirrur nga opozita, Lulzim Basha do të mbyllë çadrën.

Çadra e Partisë Demokratike do të mbyllet në ditën e 85. Lulzim Basha, kreu i PD,  e ka paralajmëruar mbylljen e saj në fjalimet e fundit, teksa shprehej i bindur se nesër do të lindë Republika e Re, edhe pse nuk e ka thënë drejtëpërdrejt se kjo Republikë e Re në fakt konsiston edhe në mbylljen e çadrës.

Kjo çadër lindi më 18 shkurt dhe do të mbyllet më 13 maj, siç njofton CityNews. Analistë të shumtë në Shqipëri e kanë konsideruar çadrën si një fitore dhe dështim të Lulzim Bashës.

Fitore sepse përmes saj Basha arriti që të shkarkoheshin ministra në ditët e fundit të mandatit 4-vjeçar të qeverisë Rama, arriti që me urdhër të ndërkombëtarëve të bëhej furtunë shkarkimesh dhe largimesh në Policinë e Shtetit, arriti që Europa të merrte vesh për drogën në Shqipëri duke kaluar përtej propagandës së Ramës, arriti që të ulej dy herë në tavolinë me Ramën për fatin e krizës edhe pse nuk u gjet një zgjidhje.

Çadra e Partisë Demokratike padyshim është konsideruar edhe dështimi i Lulzim Bashës pasi ai nuk arriti që në 85 ditë në çadër të plotësonte premtimin që u dha demokratëve në gjenezën e çadrës më 18 shkurt. Çadra konsiderohet dështim sepse nuk arriti të gjente një zgjidhje për fatin e Partisë Demokratike në zgjedhjet e 18 qershorit duke rrezikuar  lënien saj jashtë këtyre zgjedhjeve dhe parlamentit të ardhshëm./CityNews





Lajmet e fundit nga