Një tjetër konflikt i ri shpërthen ndërmjet LSI-së dhe PS-së

12 Maj 2017, 09:35, Aktualitet CNA

Një tjetër përplasje midis dy forcave bashkëkoalicioniste në qeverisje, PS-LSI është regjistruar ditët e fundit. Në qendër është mbajtja e zgjedhjeve të përgjithëshme parlamentare. Ndërkohë që lidershipi i socialistëve, njëherësh dhe kryeministri i vendit Edi Rama është i prerë për zhvilimin e tyre në datën 18 qershor, datë kjo e dekretuar nga Presidenti i Republikës, lidershipi i LSI e quan këtë jo tabu, dhe që mund të shkelet.

??Nga ana kushtetuese më duket jo realist, por nuk mendoj se është tabu nëse zgjedhjet zhvillohen disa javë më parë dhe disa javë më pas. Qëllimi ynë është të realizojmë zgjedhje me standart në 2017?, ka qenë vlerësimi i Petrit Vasilit, drejtuesit të ri të LSI.

Ideja e mosmbajtjes së zgjedhjeve në datën 18 qershor është pjesë e një fryme që ekziston brenda LSI-së., e cila, në fakt, gjithmonë ka qenë në unison me kumtin e drejtuesit kryesor.

I pyetur rreth kësaj teme edhe deputeti i LSI-së për Gjirokastrën, Vangjel Tavo, është shprehur identik si Vasili, veçse duke e ilustruar idenë e shkëljes së datës së dekretuar, si bërjen e maksimumit të mundësive që opozita të pjesëmarret në to.

?Personalisht unë mendoj se duhen shterur të gjitha mundësitë që opozita të futet në zgjedhje. Është në e rendësishme pjesëmarrja e opozitës në procesin zgjedhor sesa data e zgjedhjeve?, i ka deklaruar ai gazetës sot, ndërkohë që edhe deputeti i LSI për Fierin Robert Bitri ka dhenë po të njejtën përgjigje.

Bitri ka vlerësuar shtyrjen e datës së zgjedhjeve si opsionin më të mirë për të tërhequr pjesëmarrjen në të të opozitës. ? Shtyrja e zgjedhjeve është rruga më e drejtë, pasi zgjedhjet pa opozitën do të ishin nja farsë?, ka pësëritur deputeti Robert Bitri refrenin e këngës lësëiste tashmë të njohur e që, në fakt, do ta ndeshësh tek të gjithë homologët e tij.

Mirëpo krejt i ndryshëm është refreni i ?këngës? së 18 qershorit i ?kompozuar? nga lidershipi i socialistëve Edi Rama. Ky i fundit vijon të shprehet i palëkundur në vendimarrjen e tij të zhvillimit të votimeve në këtë datë pa opozitën ,opcion që ka gjetur përkrahjen edhe nga përfaqësuesit e lartë të BE dhe SHBA.

?Mbetemi të vendosur për të mos e ndryshuar datën e dekretuar. Zgjedhjet do të mbahen në datën 18 qershor dhe kjo datë është e panegociueshme?! Rama ka qene dhe vazhdon të jetë i vendosur në mosbërjen e lëshimeve, duke e thelluar kështu hendekun ndarës jo vetëm me opozitën, që si refren të këngës së saj ka ?Qeveri teknike pa Edi Ramën?, por edhe me bashkëkoalicionisten LSI. /CityNews