web counter
LEXO PA REKLAMA!

SHKARKO APP

App Store
Google Play

E fundit!

x

Akuzat e renda që rëndojnë mbi lidershipin e Kosovës, Presidentin, Kryetarin e Parlamentit etj.

12 Maj 2017, 08:01, Aktualitet CNA

Agjencia e lajmeve të Republika Serbska, ?SERNA?, e njohur për orientimet nacional-shoviniste serbomëdha, thotë se faktet dhe të dhënat për këto pohime i ka me burim nga Policia e Kosovës. Gazeta më e madhe kosovare ?Kosova Sot?, sjell të publikuar akuzat e mëposhtëme që rendojnë mbi lidershipin drejtues të shtetit, të cilat i?a adreson Sërbia.

?Me dyshimet se personalisht ka kryer krime lufte dhe nuk ka penguar kryerjen e krimeve të luftës, në bankën e të akuzuarve i pari do të duhej të shfaqet Agim Çeku, komandanti i dikurshëm i Shtabit Kryesor të UÇK-së ?terroriste?, siç e quan kjo agjenci Ushtrinë Çlirimtare të Kosovës, që iu kundërvu forcave të armatosura serbe që kryenin krime mbi popullsinë civile shqiptare në Kosovë. Por në listë ndodhet edhe njëri nga komandantët e UÇK-së terroriste, Azem Syla, vazhdon shkrimi i kësaj agjencie.

Sipas informatave nga policia, Hashim Thaçi mund të përgjigjet sipas vijës politike, por jo si pjesëmarrës i drejtpërdrejtë ose kryerës i krimeve të luftës, meqë ishte bërë përfaqësues i lartë i UÇK-së ?terroriste? (agjencia nuk e huq këtë cilësim sa herë që e përmend UÇK-në, sqarim ynë), pas negociatave në Rambuje.

Bashkëpunëtori i afërt e Thaçit, Xhavit Haliti do të mund të përgjigjet meqë gjatë kryerjes së krimeve ishte përgjegjës për lidhje me krahun e UÇK-së në Shqipëri dhe qendrat e atjeshme për stërvitje.

Hetuesit, sipas ?SERNA?-s,kanë gjetur fakte të mjaftueshme për përgjegjësinë e komandantit të UÇK-së ?terroriste? të ngarkuar për mbrojtjen shëndetësore në Shtabin Kryesor të UÇK-së, Shaip Mujës. Në listë është edhe Ajvaz Berisha, konsulli aktual e Kosovës së vetëshpallur në Frankfurt. Ai gjatë kohës së konfliktit në Kosovë ka qenë komandant i njësive speciale të UÇK-së.

Kadri Veseli, si njëri nga komandantët më me ndikim në ish-UÇK-në, do të mund të përgjigjej nëse Gjykata Speciale, paraprakisht, përcakton përgjegjësinë e Hashim Thaçit?.

Në vend të Ramush Haradinajt, në bankën e të akuzuarve do të gjendet i vëllai i tij, Daut Haradinaj. Aktpadia e ngarkon për kryerjen e krimeve në rajonin e Gjakovës dhe Deçanit, në Zonën e Metohisë (Dukagjinit), ku pjesëtarët e UÇK-së, ishin nën komandën e vëllezërve Haradinaj. Në listë janë edhe Blerim Kuçi e Lahi Brahimaj, asi dhe ish-komandanti i UÇK-së për rajonin e Malishevës, Fatmir Limaj.

Nga policia kanë theksuar se në listën e të dyshuarve ndodhen edhe emrat e nja dhjetë oficerëve të Forcave të Sigurisë së Kosovës, që janë të njohur për hetuesit që u ka prirë Clint Williamson, thotë agjencia ?SERNA?.

Është interesant se në listën e të dyshuarve nuk ka anëtarë të Lidhjes Demokratike të Kosovës (LDK), kryetar i të cilës gjatë kohës së konfliktit (siç e quan luftën kjo agjenci) ka qenë Ibrahim Rugova.

Sipas pohimeve nga Shërbimi Policor i Kosovës, pas një muaji do të nisë procesi i arrestimit të të dyshuarve, ndërsa policia është e gatshme që në bashkëpunim me KFOR-in dhe EULEX-in të kundërvihet ndaj destabilizimit të situatës së sigurisë në Kosmet, përfundon shkrimi, që e transmetuan mediet serbe në Beograd./ CityNews





Lajmet e fundit nga