web counter
LEXO PA REKLAMA!

SHKARKO APP

App Store
Google Play

E fundit!

x

Gazeta zvicerane/ Nëse VetëVendosja merr pushtetin, Kosova izolohet

12 Maj 2017, 10:00, Aktualitet CNA

Rrëzimi i Qeverisë Mustafa nga Kuvendi i Kosovës, të mërkurën, ka bërë bujë të madhe edhe në mediat e huaja.

Një ditë pas ndërmarrjes së aktit, e përditshmja zvicerane ?Neue Zürcher Zeitung? adresonte një analizë të situatës aktuale politike në Kosovë dhe një parashikim të së ardhmes, pas rrëzimit të Qeverisë së Isa Mustafës.

Teksa flet për zgjedhjet e parakohshme në vend, që do të mbahen më 11 qershor, ?NZZ?, ndër të tjera, parashikon rrezikun që mund të shkaktohet në rast se qeverisjen në Kosovë e marrin ?nacionalistët majtistë?.

Rregullat e politikës me shumë gjasë do të ndryshonin nëse Lëvizja VetëVendosje formon qeverinë e ardhshme, parashikon gazeta zvicerane në gjuhën gjermane, duke paralajmëruar se realizimi i një skenari të tillë do të çonte në izolimin e Kosovës.

?Nëse nacionalistët majtistë e përcaktojnë axhendën shtetërore, kjo do të mund të çonte në konfrontim me Beogradin dhe Brukselin?, shkruan ?NZZ? që vijon të publikojë se Kosovës i është premtuar anëtarësimi në Bashkimin Evropian, në një të ardhme të pacaktuar, në shkëmbim të normalizimit të marrëdhënieve me Serbinë dhe shuarjes së ambicieve për bashkim kombëtar me Shqipërinë. VetëVendosja do ta rrëzonte këtë ?pakt? me të ardhur në pushtet, teksa synon vetëvendosje të vërtetë në vend dhe jo kontroll nga Brukseli e Uashingtoni, por parasheh që Kosova ta krijojë ushtrinë e saj, dhe të diskutojë me Serbinë vetëm për njohjen e pavarësisë së saj./ CityNews





Lajmet e fundit nga