web counter
LEXO PA REKLAMA!

SHKARKO APP

App Store
Google Play

E fundit!

x

 Kongresmenët amerikanë zbresin në Kosovë

12 Maj 2017, 13:53, Aktualitet CNA

Pas përfundimit të vizitës në Shqipëri grupi prej nëntë kongresmenësh amerikanë ka zbritur sot në Kosovë ku është pritur më së pari nga ministri i Punëve të Jashtme, Enver Hoxhaj .

Sikurse kanë njoftuar mediat kosovare, që i referohen zyrës së shtypit të ministries, duke i falënderuar për miqësinë dhe mbështetjen e madhe të SHBA-së për Kosovën, Hoxhaj i ka informuar kongresmenët për progresin e vendit dhe orientimin e palëkundur perëndimor të Kosovës.

?Ministri Hoxhaj ka folur për marrëdhëniet bilaterale me Shtetet e Bashkuara dhe rolin që ka ShBA-ja në ndërtimin e shtetit dhe forcimin e subjektivitetit të brendshëm dhe atij ndërkombëtar. Të dy palët diskutuan për mbështetjen amerikane që Kosova të bëhet pjesë e Partneritetit për Paqe (PFP) në kuadër të Aleancës Veriatlantike?.

Po ashtu Hoxhaj i ka informuar kongresmenët në lidhje me rrjedhën e normalizimit të raporteve në mes të Kosovës dhe Serbisë, ku ka thënë se Kosova është e përkushtuar për normalizim përmes dialogut të ndërmjetësuar nga partnerët ndërkombëtarë, si edhe për zhvillimet më të fundit në rajon e tendencën e Rusisë për të ndikuar në Ballkan. /CityNews





Lajmet e fundit nga