web counter
LEXO PA REKLAMA!

SHKARKO APP

App Store
Google Play

E fundit!

x

Nga Xhovani SHYTI/ Opozita jashtë zgjedhjeve është loja e Ramës

7 Maj 2017, 08:38, Aktualitet CNA

Sa më shumë afrohet dita e mbajtjes së zgjedhjeve parlamentare të 18 qershorit aq më shumë profilohet strategjia e Edi Ramës për t’ja arritur qëllimit final, që synon opozitën jashtë tyre, me qëllim denigrimin dhe asgjesimin përfundimtar të një kundërshtari agresiv e të padëshirueshëm.

Që PD-ja edhe me Luilzim Bashën kryetar, prej vitesh po ja nxinë jetën Edi Ramës, kjo është e ditëshme dhe një lojë e pranueshme, brenda sistemit politike që ka në princip demokracinë dhe plurapartitizmin. Ti nxish jetën atij që është në maxhorancë, ndërkohë që ti je në opozitë dhe synon pushtetin është mëse normale, kurse kur kjo ?nxirrje jete? e tejkalon kufirin dhe merr përmasë të pajustifikueshme tregon vizion të ngushtë dhe padituri politike për atë që e aplikon.

E them këtë pasi dua ta justifikoj sjelljen e Lulzim Bashës deri para se të ngrinte çadrën e lirisë në Bulevardin Qendror, madje edhe ca më tej, por është tërësisht i pajustifikuar vijimësia e ekzistëncës së saj edhe pasi kundërshtari i tij politik kryeministri dhe kryetari socialistëve Edi Rama e ndaloi mbajtjen e votimeve në Kavajë.

Sikurse i justifikoj të gjitha kërkesat e shefit të opozitës për garanci që votimet e 18 qershorit të jenë të drejta e të lira, të pamanipuluara, siç dhe ka ndodhur rëndom, por nuk e justifikoj kurrsesi qëndrimin e tij kokëfortë për ta përjashtuar PD-në nga hyrja në zgjedhje.

Përse e justifikoj dhe përse nuk e justifikoj?

Çadra, me emrin e simbolgjetur të lirisë, u ngrit në mbrojtje të votës së lirë dhe të mosmanipulimit të rezultatit zgjedhor, një kauz e admirueshme kjo, për arritjen e të cilës janë mbajtur edhe disa protesta të opozitës bulevardeske, ndërkohë që një tjetër ishte planifikuar të mbahej në Kavajë, ditën e mbajtjes së votimeve të braktisura nga PD-ja.

Mbajtja e kësaj të fundit  është ende e pamotivuar, pasi duke qenë e vetëpërjashtuar nga procesi opozita nuk kishte për çfarë të protestonte. Duke qenë kështu, nuk kishte pse Basha të organizonte gjithë atë protestë e aq më tepër, gjatë ligjërimit të tij të përditëshëm në çadër, t’i jepte asaj hijen e përmasës së dhunëshme. Pa mendur se pikërisht me këtë të fundit i jepte Edi Ramës një motiv që ai të urdhëronte mosmbajtjen e zgjedhjeve dhe lënien e dopjo gjashtës në dorë të Lulzim Bashës. Sepse mosmbajtja e zgjedhjeve në Kavajë nuk është fitorja e parë, sikurse e festoi Lulzim Basha, por pikë plus, vijim i lojës që Edi Rama po luan prej kohësh dhe që Basha nuk po e kupton ende, duke e profilizuar veten, por edhe gjeneratën që pretendon sjelljen e Republikës se re, si peshë e lehtë për të qenë në gjëndje të përmbys politikën e Republikës së vjetër.

Kavaja ishte vijimi i skemës së politikës së Edi Ramës për ta përjashtuar pjesëmarrjen e opozitës në procesin elektoral të votimeve të 18 qershorit. Nën këtë objektivi ky i fundit e ka ngritur të gjithë lojën me qëllim që të mos e ketë nëpër këmbë Lulzim Bashën dhe të tijtë kur të miratojë gjithçka me shumicën  e votave të deputetëve të majtë, që do të dalin nga procesi elektroal 2017. Pas të cilit fusha e kartonëve ?pro? është e hapur dhe në të mund të luhet fare lehtësisht për të kaluar ligjet e rendësishme , si ai i reformës në Drejtësi e lenë në mes, nga braktisja e parlamentit prej opozitës dhe futja në çadër.

Zbythjen e Edi Ramës në Kavajë Lulzim Basha e vlerësoi si fitoren e parë, dhe ajo do të ishte e tillë nëse së bashku me entuziasmin e kësaj fitoreje Basha do të deklaronte edhe mbylljen e çadrës e futjen e opozitës në zgjedhjet e 18 qershorit, braktisja e të cilave është keq për të dhe forcën e tij politike që do të përjashtohet përfundimisht nga jeta parlamentare dhe loja politike, duke pësuar fatin e atyre analistëve të kudogjendur nëpër ekrane e që do të mjaftonin vetëm pak ditë mosdaljeje për tu konvertuar si të mosqenë./. CityNews





Lajmet e fundit nga