web counter
LEXO PA REKLAMA!

SHKARKO APP

App Store
Google Play

E fundit!

x

LSI si parti e Enverit/ Emëron kryetarin me duartrokitje

3 Maj 2017, 18:15, Aktualitet CNA

Konventa Kombëtare e LSI, që u mbajt ditën e sotme në praninë e ish kryetarit, Ilir Meta, zgjodhi me emërim, Petrit Vasilin, kryetar dhe Monika Kryemadhin zëvendëskryetare të parë të LSI.

Duke ?u fshehur? pas duartrokitjeve dhe thirrjeve të të rinjve ajo që ndodhi sot në sallën e Konventës na ktheu në kohën e qoftë largut edhe për faktin se, ditën e sotme, publikisht me emërimin e Petrit Vasilit si kryetar i LSI, Ilir Meta theu statutin e Partisë së tij: ?Një anëtar një votë?.

Nga sot e në vijim kryetari më i ri i LSI, Petrit Vasili është i paligjshëm, pasi është zgjedhur jashtë çdo procedure statutore. Në lidhje me këtë CityNews paraqet  si të pakontestueshëm faktin që kurrë më parë në historinë e LSI, Kryetari nuk është zgjedhur me emërim. Madje edhe vetë Ilir Meta është zgjedhur kryetar i LSI, formalisht sigurisht, sipas parimit “një anëtar një votë”, duke pasur edhe ?kundërshtarët? e tij brenda partisë.

Siç duket Ilir Meta nuk ka besim në anëtarët dhe drejtuesit e partisë që themeloi e ndërtoi vetë dhe për ti paraprirë çdo tradhëtie të mundshme, apo gare që mund ti nxirrte telashe, urdhëroi emërimin e Vasilit si kryetar antistatutor të LSI.

Por Meta nuk ka besim as tek ai që e etiketoi si mikun më të ngushtë i tij, pra tek Petrit Vasili, ndaj i bashkëngjiti atij emërimin si zv/kryetare, bashkëshorten e vet, Monika Kryemadhi, edhe ajo e emëruar e pa asnjë proces votimi, duke e lënë sërish LSI parti të familjes Meta-Kryemadhi.

Ilir Meta, i sapozgjedhur si president, sot tregoi se nuk do të jetë presidenti i Shqipërisë, por presidenti i LSI, sepse këtë të fundit ka hallin më të madh. Megjithëse në çdo deklaratë të tij mediatike, shprehet se nuk do të luhatet në bindjet politike, veprimet e sotme vërtetojnë se Ilir Meta nuk do të heqë kurrë dorë nga drejtimi i LSI, as në pesë vitet e ardhshme, kur do shërbejë dhe paguhet si president, por do jetë në fakt kryetari i LSI në presidencë./CityNews





Lajmet e fundit nga