web counter
LEXO PA REKLAMA!

SHKARKO APP

App Store
Google Play

Lëvizjet në Polici/Ish drejtori i pakënaqur,refuzon detyrën e re

3 Maj 2017, 17:46, Aktualitet CNA

Burime nga Policia e Shtetit bëjnë me dije për CityNews se pas furtunës së parë Xhafaj, nga e cila njëzetë e tetë drejtor policie lanë detyrat e larta që mbanin për tu emëruar në të tjera, ditët e fundit ka lenë postin dhe Skënder Kalemi, ish drejtor i Drejtorisë së Parandalimit të Krimit.

Kalemi është zëvendësuar nga Albert Dervishaj, i cili ishte shef i Rendit Publik. Në vend të këtij të fundit është emëruar Gëzim Zhupaj, që më parë shërbente si drejtor i Kufirit në Policinë e Qarkut Vlorë. Në vend të Ardi Veliut, ish drejtor i Policisë Rrugore, është emëruar Skënder Ismail.
Ndërkohë nga të njejtat burime mësohet se për këto lëvizje ka patur edhe pakënaqësi, që shkojnë deri në refuzim të detyrave të reja. Kështu Ervin Hodaj, ish drejtori i policisë së Tiranës ka refuzuar të nisë punën në krye të Zyrës së Sekretarisë dhe Protokollit të Drejtorisë së Përgjithshme të Policisë së Shtetit. Përveç tij përfliten edhe të tjerë ish drejtues që janë shprehur të pakënaqur dhe i kanë kërkuar shpjegime Drejtorit të Përgjithshëm. /CityNews





Lajmet e fundit nga