Presidenti i ri Ilir Meta tund "dekoratat" në Konventën e LSI-së

3 Maj 2017, 17:09, Aktualitet CNA

I qenë prezent për të fundit herë në forumin më të lartë të partisë së tij, si kryetar, Ilir Meta, ka folur në Konventën Kombëtare të LSI-së, duke treguar sakrificat që i është dashur të bëj për ta mbajtur LSI-në të patundur dhe që ti përballonte me sukses tramundanat e kohës.

Tamam si një skrapalli gjoksngehur, që i ftuar në eventet e dikurshme të përvjetorëve e kongreseve të PPSH-së e mbushte gjoksin me dekorata dhe tregonte trimëritë e kohës së luftës, më shumë se njëherë gjatë fjalës së tij, Meta riktheu në vëmendje krijimin e LSI-së dhe rrugëtimin e saj që prej vitit 2004.

Ku sikurse ai theksoi se LSI (dmth ai vetë i themelues i saj) është përballur me sfida të shumta. Por Meta shpjegoi gjithashtu koalicionin me PD-në në vitin 2009, duke e shitur atë si një sakrificë që ai e bëri jo për të përfituar personalisht e politikisht, por si një sakrificë për të shpëtuar sistemin politik dhe stabilitetin e vendit.

Në rrëfimin e vet prej veterani Meta ka shigjetuar dhe prapaskenat me protagonist dy kryeministrat me të cilët ai dhe forca politike që udhëheq ka qenë në koalicion bashkëqeverisës përfitues, por që nëntë vite më parë në prapaskenë bën paktin që lindi ?kodin e mallkuar?, sikurse Meta e etiketoi gjatë fjalës së tij të fundit në Konvent.

?LSI vazhdoi të tregojë rritje aq sa në një natë të errët u ndryshua kushtetuta e Shqipërisë për të eliminuar LSI-në. Akt i paprecedentë që edhe sot Shqipëria vuan pasojat e atij Kodi të mallkuar. Kurrë nuk do të harroj ato dy javë të grevës së urisë në Kuvendin e Shqipërisë së bashku me kolegët e mi dhe nuk do të harroj përkrahjen e atyre mijërave mbështetësve të LSI. Pavarësisht nga klima e presionit, ne arritëm të mbijetonim në vitin 2009 në ato zgjedhje që treguan problemet me të cilat ndeshet demokracia në Shqipëria, por jo vetëm mbijetuam por u bëmë faktor stabiliteti…?, ka artikuluar në ligjëratë të drejtë ish kryetari i LSI-së, tashmë president, i Republikës, Ilir Meta./CityNews