E fundit!

20:13 Aktualitet

Vendimi i qeverisë/ Shqipëria hap ambasadë në këtë vend të BE-së

Shqipëria do të hapë ambasadën e saj në Irlandë. Vendimi ë...

Themelohet partia më e re shqiptare

29 Prill 2017, 17:13, Aktualitet CNA

I qenë prezent në qytetin e Korçës, deputeti i përjashtuar me vendim të gjykatës Kushtetuese, Koço Kokëdhima, krahas të tjerave ka dhenë edhe lajmin e nisjes së veprimtarisë politike aktive të një partie të re.

?Zgjidhja?, është partia e prezantuar nga Kokëdhima e për të cilën thotë se lindi pas përpjekjeve të dështuara që ai ka bërë për të reformuar nga brenda PS-në, pjesë e të cilës ka qenë deri në heqjen e mandatit.

“Në kushtet kur PS përfaqëson vetëm interesat e oligarkisë së korruptuar, interesat e koncensioneve, monopoleve dhe oligopoleve që i kanë marrë frymën konkurencës së lirë dhe ekonomisë së vendit, grupi nismëtar i Lëvizjes tonë politike ka vendosur që ?Zgjidhja? të shkëputet nga Partia Socialiste e Shqipërisë dhe të shndërrohet në parti politike. Nga dita e sotme ?Zgjidhja? do të jetë parti politike. Sot kemi firmosur dokumentet e themelimit”, ka lajmëruar Kokëdhima.

Pasi ka artikuluar se PS-së nuk i ka mbetur më asgjë, as nga standardet e një partie politike dhe as nga idealet e majta, pasi është partia e oligarkisë që prodhoi ky tranzicion nga radhët e politikanëve të korruptuar, Kokëdhima, i ka adresuar thirrjen e mëposhtëme Edi Ramës:

?Zgjidhja? edhe një herë e fton Ramën që të tërhiqet, të mos jetë më problemi, por të bëhet pjesë e zgjidhjes. Ne i kërkojmë që të bëhet reforma zgjedhore, të shtyhen zgjedhjet për në vjeshtë, të sigurohet infrastruktura zgjedhore me elementët dhe teknologjitë që do të garantonin pastrimin përfundimtar të zgjedhjeve, të zëvendësohet administrata zgjedhore partiake me administrimin shtetëror të zgjedhjeve dhe të merren të gjitha masat ligjore që do garantonin një herë e përgjthmonë zgjedhje të lira e të ndershme në Shqipëri. Në të kundërt Rama do të marrë përsipër të gjitha përgjegjësitë për pasojat që mund t?i vijnë vendit dhe qytetarëve nga kjo krizë. E majta, përpara Ramës, ka ditur t?i zgjidhë krizat me mjete politike efikase dhe jo me kokëfortësi?./ CityNews