web counter
LEXO PA REKLAMA!

SHKARKO APP

App Store
Google Play

E fundit!

x

Blushit i ikën një tjetër drejtuese/Maskaradë, REFUZOJ të vazhdoj të jem LIBRA

29 Prill 2017, 15:34, Aktualitet CNA

Pas dy largimeve të njëpasnjëshme, të ish-studentit të dhjetorit Ardi Stefa dhe pedagogut nga Durrësi, Ervin Shahini, nga partia LIBRA e drejtuar nga Ben Blushi, një tjetër anëtare bërthame e saj ka vendosur të largohet.

Ajo është Adela Limanaj Bezaitis, një prej 31 anëtareve të bërthamës së partisë LIBRA, që u përzgjodh në zgjedhjet e brendshme të kësaj partie. Limanaj ka lëshuar akuza të forta në drejtim të Blushit, duke akuzuar se ai ka vendosur në mënyrë autoritare për kandidatët për deputetë në këto zgjedhje.

?Listat për deputetë të LIBRA u bënë në mënyrë autoritare nga Ben Blushib i cili vendosi sipas preferencës.Kam respekt për njerëzit e ndershëm dhe me parime që punojnë fort por Ben Blushi disa prej tyre nuk i përfilli dhe vuri në krye të listës psh në Durrës një person të panjohur për LIBRA , që hyri nga dritarja me katapultë që ka bërë fushatë për PD , ka përfituar poste drejtorllëku në disa institucione dhe që tani përfiton atë të kandidatit për deputet, pa dhënë asnjë kontribut për partinë LIBRA.

Bravo sa shpejt PO KONTRIBOHET PËR KRIJIM E OLIGARKISË POLITIKE DHE FINANCIARE . Jam e lehtësuar që dhashë dorëheqjen nga bërthama dhe anëtarësia e LIBRA-s larg vorbullës me ujë të qelbur?,- shkruan Limanaj Bezaitis.

Më pas në një tjetër reagim, Limanaj hedh akuza tepër të rënda në drejtim të kryetarit të partisë LIBRA, dhe njerëzve që e ndjekin atë, duke i cilësuar si arrogantë, kulishë dhe injorantë.

REAGIMI I PLOTË

REFUZOJ TË JEM LIBRA

LIBRA sa fjalë e madhe e kuptimplotë por që partia është e padenjë të mbajë këtë emër

LIRI ? BARAZI ? EKUILIBËR ? DIJE , në fillim i përkraha me bindjen se do bëhej një gjë e mirë më së fundi dhe në Shqipëri.

Por zhgënjimi erdhi shumë shpejt.

Ka sigurisht anëtarë të LIBRA ?s persona burra e gra , të rinj e të reja të cilët kanë parime që i udhëheqin në veprimtarinë e tyre të përditshme dhe sinqërisht unë ndiej respektin më të madh për punën që bëjnë duke sakrifikuar kohën deri dhe kontributin e tyre financiar për partinë.

Por sinqerisht më vjen keq e gati po më dhimbset Ben Blushi që la veten e tij në kaq pak kohë të rrethohet e dominohet nga një grup njerëzish që vetëm me parimet e LIBRA-s nuk mund të jenë por qëllimin e tyre kanë si të lëpijnë prapanicën e kryetarit për marrjen e ndonjë llokme në të ardhmen , që janë meskinë, arrogantë , kokëboshë, prapaskenikë dhe mbi të gjitha pa etikë komunikimi.

Më e shëmtuar e kësaj gjëje është se gjithë kjo shëmtirë, kjo vorbull me ujë të qelbur pranohet dhe miklohet nga kryetari.

Ben Blushi , ti mund të flasesh bukur në Parlament e studio televizive por je i pabesueshëm për aq kohë sa nuk je në gjendje të organizosh partinë, të vlerësosh njerëzit, të bësh së bashku me grupin e punës një program partie e mbi të gjitha të bëhesh pjesë e antivlerave.

Partia do impenjim, parime, vlerësim të njerëzve dhe jo pallavra.

Mbaji kulishët, injorantët, arrogantët, prapaskenikët, njerëzit që nuk mbushin e nuk kanë kapacitete intelektuale mbaji rreth vetes se do ta shikosh ku do përfundosh, shumë shpejt do etiketohesh edhe ti si parti e vjetër, njerëzit nuk do të votojnë o shkrimtari i ? madh? e politikani i vogël.

Unë REFUZOJ të bëhem pjesë e gjithë kësaj maskarade , pra siç kuptohet fare lehtë REFUZOJ të vazhdoj të jem LIBRA, jap dorëheqjen nga Bërthama e Partisë dhe nga anëtarësimi për t?u ndjerë e lehtësuar e për të vazhduar të ndjek parimet e mia dhe vlerat që më kanë lënë trashëgimi prindërit e mi.





Lajmet e fundit nga