web counter
LEXO PA REKLAMA!

SHKARKO APP

App Store
Google Play

Raporti i NATO-s/ Ballkani Perëndimor është në rrezik

29 Prill 2017, 15:20, Aktualitet CNA

Me normën e lartë të papunësisë, korrupsionit, erozionit të shtetit të demokracisë dhe sundimit të ligjit, shpesh me ndërhyrjen e Rusisë në punët e shtetit, Ballkani Perëndimor duhet të mbështetet fuqishëm në integrimin e tij euroatlantik, thuhet në draft raportin e fundit të Asamblesë Parlamentare të NATO’s.

Kështu shkruhet në raportin e NATO-s të publikuar në faqen “Europian Western Balkans”, ?Tranzicioni ekonomik në Ballkanin Perëndimor. Një vlerësim në prill të vitit 2017?, i shkruar nga Richard Benyon, raportues për Mbretërinë e Bashkuar nga Partia Konservatore. trarnsmetoi Zeri.

Në të  jepet një pasqyrë politike dhe ekonomik e Rajonit që mbetet një fushë me interes të veçantë për NATO-n, e cila aktualisht është e pranishme në rajon, përmes Forcës së Kosovës (KFOR) dhe Operacionit ?Althea?, ku vetëm Serbia dhe Republika Srpska nuk kanë treguar interes për t?u bërë pjesë e NATO-s, shkruan European Western Balkans.

Në raport thuhet se procesi i integrimit të rajonit në BE është tronditur nga çështjet e shumta politike dhe ekonomike brenda shteteve, por edhe nga faktorë të jashtëm. Një nga çështjet kryesore të cilat shkaktuan shqetësime në të gjithë rajonin ishte paqëndrueshmërinë aktuale e BE-së, e cila shkaktoi lulëzimin e lëvizjeve nacionaliste dhe autoritare.

Në të gjithë rajonin ?korrupsioni, klientelizmi, manipulimi i votave dhe mashtrimi janë të gjitha të lidhura me problemin e kapjes së shtetit nga elitat me pak interes në avancimin e thelbit të demokracisë, edhe pse forma e demokracisë i përshtatet qëllimeve të tyre?, theksohet në raport./ CityNews





Lajmet e fundit nga