web counter
LEXO PA REKLAMA!

SHKARKO APP

App Store
Google Play

E fundit!

x

Si i gënjeu Ilir Meta shqiptarët (Video)

28 Prill 2017, 15:22, Aktualitet CNA

Kreu i LSI, Ilir Meta, pritet të zgjidhet pasditen e sotme President i Republikës. Kandidatura e tij u propozua vetëm një ditë më parë, pasi Kuvendi dogji 3 raunde për zgjedhjen e Presidentit të ri.

Ilir Meta është përfolur shumë në media si kandidati për Presidentin e ardhshëm të Shqipërisë. Vetëm pak muaj më parë, ky lajm do të bënte bujë pothuajse në të gjitha mediat. Por, vetë Ilir Meta nuk e pohoi në asnjë rast. I ftuar në shumë media televizive, ai gënjeu duke parë në sy shqiptarët, teksa refuzoi publikisht këtë post. CityNews iu sjell dhe njëherë në vëmendje me zë dhe figurë disa nga rastet ku Ilir Meta ka pohuar prerë se do të vazhdojë të jetë kryetari i partisë që ai drejton, LSI. Duke refuzuar se do të kandidonte për President, Meta shprehet se nuk do ta pranonte kurrë këtë post pa konsensusin e opozitës.

Kjo krijon një analogji me fjalën e tij dhe realitetin e sotëm politik. Jo vetëm që gënjeu hapur shqiptarët, por duket se po del dhe kundër fjalëve të tij. Menjëherë pas emrit të tij si kandidat për President, një ditë më parë, kryetari i opozitës, Lulzim Basha, reagoi duke thënë se nuk e pranonte Ilir Metën për President. Pra, Ilir Meta pritet të jetë një President pa konsensusin e opozitës dhe kjo po pranohet në heshtje nga ai./CityNews





Lajmet e fundit nga