web counter
LEXO PA REKLAMA!

SHKARKO APP

App Store
Google Play

E fundit!

x

Protesta e opozitës në Kavajë/Policia merr vendimin përfundimtar për ta ndaluar

28 Prill 2017, 13:47, Aktualitet CNA

Policia ka kallëzuar në Prokurori, protestën e e opozitës shqiptare në lidhje protestën e Kavajës.

Policia i ka kërkuar prokurorisë që të hetojë PD sepse nisur nga ajo që kanë thënë figurat kryesore të kësaj force, po nxisin dhunë fizike dhe po kërkojnë të shkatërrojnë zgjedhjet në Kavajë.

Sipas materialit referues, që po verifikohet nga prokurori Enklid Gjini, thuhet se Partia Demokratike nëpërmjet metodave të ndryshme dhe deklaratave publike po tenton të dëmtojë zgjedhjet lokale në Bashkinë e Kavajës. Në këto deklarata, që janë bashkangjitur materialit të policisë, zyrtarë të Partisë Demokratike kanë bërë thirrje publike për veprime të dhunshme ditën e zgjedhjeve në Kavajë. Për këto fakte, thuhet në kallëzim, policia ka kërkuar nisjen e hetimeve nga prokuroria për Partinë Demokratike për dy akuza, atë të ?thirrjes publike për veprime të dhunshme? dhe ?pengim të subjekteve zgjedhore? në bashkëpunim. Materialit të dorëzuar në prokurori, policia i ka bashkangjitur disa gazeta ditore, deklarata zyrtare të Partisë Demokratike dhe fjalime të kryetarit të opozitës Lulzim Basha. Por pavarësisht këtyre provave, policia është treguar e kujdesëshme duke mos akuzuar direkt me emër kreun e PD-së por subjektin partiak, shkruan AbcNews.
Opozita, prej disa ditësh, ka njoftuar bojkotin në zgjedhjet lokale në Bashkinë e Kavajës dhe ka bërë thirrje për një protestë kombëtare që do të mbahet në Kavajë, ditën e zgjedhjeve. Ata kanë deklaruar se nuk do të ketë zgjedhje pa opozitën, duke paralajmëruar kështu bllokimin e procesit zgjedhor për Bashkinë e Kavajës.
Nga ana tjetër, referuar kodit penal, dy akuzat ajo e ?Thirrjes publike për veprime të dhunshme? dhe akuza e ?pengimit të subjekteve zgjedhore? parashikohen si krim kundër rendit Kushtetuese dhe kanë një penalitet nga gjoba deri në tre vjet burg për individë të caktuar. /CityNews





Lajmet e fundit nga