E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

PA ÇENSURË/ Të gjitha kriteret që plotëson Ilir Meta si president

28 Prill 2017, 09:09, Aktualitet CNA

Pas pak orësh Parlamenti pritet të votojë formalisht Ilir Metën, kryetarin e tij, njëherësh dhe drejtues i LSI, për të qenë president i ri i Republikës, pasi më parë e dhanë miratimin e vet dy grupet parlamentare të PS-LSI-së, dhe pasi kryetari e kryeministri Edi Rama e vlerësoi Metën si më të përshtatshmin për të ushtruar këtë detyrë të lartë shtetërore.

?Sot unë jam shumë i qetë përpara shqiptarëve, sepse realisht president më me PD-në, por jo i PD-së, se sa Ilir Meta ne nuk mund të gjenim dot as në PD. Kështu që nga kjo pikëpamje është një President që me siguri mund të kompensojë boshllëkun e madh që kemi parë deri më tani. Është një president që realisht është i lidhur me të gjithë, ka qasje te të gjithë, flet me të gjithë, u thotë të gjithëve çfarë mendon. Këtë punë do të bëjë edhe si president. Një zgjidhje ideale edhe për PD-në, pavarësisht se mund të dalë e të thotë çfarë të dojë tani. Ilir Meta është i prerë për të qenë me të gjithë dhe me asnjë?, deklaroi Rama?, ka dhenë vlerësimin maksimal Edi Rama, duke befasuar shqiptarët, për këtë ndryshim kursi të opinionit të tij ndaj Ilir Metës. Për të cilin ai nuk ka patur këtë mendim, por edhe historia nuk e konfirmon një Met me këtë profil. Sepse ja cili është Ilir Meta i vërtetë:

Në vitin 1999 tradhëtoi Pandeli Majkon dhe ja doli të zgjidhet kryeministër, pas një pazari me ish kryetarin e PS-së Fatos Nano.

Në vitin 2001, gjatë kohës që ushtronte detyrën e kryeministrit,një sasi e konsiderueshme floriri e gjendur në tunelet e thesarit të shtetit u zhduk pa lenë asnjë gjurmë. Çelësat e këtij tuneli i kishte në dorë qeveria e lartë. Pas këtij akti Ilir Meta nisi të njihet si ?Like Floriri?

Në viti 2001, kur ishte kryeministër, Ilir Meta realizoi zgjedhjet më të korruptuara në historinë shqiptare.

Në vitin 2003 për keqqeverisje Ilir Meta largohet nga kryeministër dhe kryeministrinë e merr Fatos Nano, i cili ndërkaq e akuzoi djalin e keq të PS, Ilir Metën, si njeriu më të koruptuar të sistemit politik shqiptar.

Në vitin 2005 ju shkaktoi humbje socialistëve në zgjedhje duke nxjerrë 16 kandidatë të pavarur e duke ju humbur të paktën 16 zona elektorale socialistëve.

Në vitin 2009 i lë socialistët në opozitë dhe bashkohet me Sali Berishën në bashkëqeverisje.

Në dhjetor 2010 filmohet me bllok në dorë, ndërsa merrte 700 mijë euro dhe afera u arrit të mbyllej falë influencës së Metës në sistemin e korruptuar të drejtësisë.

Në 2011 në bulevard vriten katër protestues gjatë një proteste që socialistët organizuar në kundërshtim të Ilir Metës dhe bllokut të tij me shënime të ?shenjtëruara?. Pas kësaj i mbeti edhe një tjetër nofk ?Ilir blloku?.

Në vitin 2013 braktisi Sali Berishën dhe shkon e hëngri ?tavë me ngjala? me Edi Ramën për të cilin kishte artikuluar qindra fyerje e sharrje nga më të ndyrat që përmban fjalori shqiptar.

Në vitin 2014 akuzohet nga Tom Doshi për organizim komploti për vrasjen e këtij të fundit. Edhe këtë herë falë manovrave të drejtësisë nuk i ngjitet asnjë qime në pallto.

Në vitin 2015 del si i përfshirë në dosjen e aferës CEZ-DIA. Midis fakteve të publikuara nga media ishte edhe një sms që vërtetonte se Meta i kërkonte Kastriot Ismailajt 300 mijë euro finacime për fushatën elektorale./CityNews