E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Nga Robert ALIAJ/SHQIPERIA NUK VDES, VETEM SE PO DUKET SIKUR KERKON TE KRYEJE VETEVRASJE

28 Prill 2017, 08:35, Aktualitet CNA

Kështu duket se e po shohim aktualitetin në kohën e gazetarisë post-politike.

Përtej aktivitetit mediatik që shkakton periudha e zgjedhjeve, gazetaria politike duhet të komentojë më pak, por të analizojë më shumë premtimet dhe pretendimet e atyre që pretendojnë për pushtet.

Fjala “cirk” mund të duket e tepruar, por në realitet bëhet fjalë për cirk. E frikshme ajo që ndodh këtu. Cilësitë për t’u zgjedhur nuk kanë të bëjnë aspak me talentin, cilësitë morale ose aftësitë politike.
Duhet të kesh si karakteristikë kryesore aftësitë për të bëre spektakël deri ne absurditet. Të jesh i aftë të uzurposh skenat e mediave dhe ti mbushësh ato me “fjalë të bukura”, me fraza të ëmbla shpresëdhënëse, me elemente gjuhësore të komplikuara që ta hutosh kundërshtarin, mbi të gjitha publikun, i cili për hir të së vërtetës bindet vetëm kur nuk kupton. Sa më shumë të gënjesh, aq më bindës do dukesh në këtë kohën e gazetarisë post-politike.
Koha e ?the fast thinking? ose ?Instant thinking?, mendimi i çastit, etja për t’ja hedhur edhe kësaj rradhe, që kalon nga faqet e rrjteteve sociale, direkt në zëmrat tuaja.

E rëndësishme këtu, nuk është e vërteta e asaj që është thënë, por ndikimi, impakti që shkakton mënyra e dhunshme e artikulimit, e papritshmja, e çuditshmja, poshtërsia e fjalës.

Eshtë eminente braktisja e kategorive të vjetra të mendimit që kanë funksionuar në kohën kur sistemi i përfaqësimit varej vetëm nga partia e punës, harroji sindikatat, shoqërinë civile etc.

Eshtë koha e një përqasje të re, që kërkon adaptimin e një gjuhe të re, të aftë të transmetojë në publik të rejat dhe të padëgjuarat, ndryshimet, mentalitetin, sjelljet, interesat etc.
Kjo do të shmangte varjen e gazetarisë gjithnjë e më shumë nga politika tashmë të afektuar me politizimin, sensacionet dhe “spektakolaren”, dhe mpleksjen në këtë keqkuptim…./CityNews