web counter
LEXO PA REKLAMA!

SHKARKO APP

App Store
Google Play

E fundit!

x

 Ekskluzive/ Basha drejt SHBA-ve

28 Prill 2017, 08:24, Aktualitet CNA

Kreu demokrat, Lulzim Basha, pritet që javën e ardhshme të zhvillojë një vizitë zyrtare në SHBA, ku pritet të ketë takime të rëndësishme në Departamentin e Shtetit, kongresmenë, senatorë, si dhe me stafin e afërt të presidentit, Donald Trump.

Burime zyrtare nga PD i thanë CityNews se në këto takime kreu demokrat do të paraqesë situatën kritike që po kalon Shqipëria dhe krizën që e ka detyruar opozitën që të braktisë zgjedhjet.

Vizitat e tij në SHBA dhe në kancelaritë e tjera europiane, kreu demokrat i konfirmoi edhe dje në emisionin ?Opinion? të Blendi Fevziut në Tv-Klan.

I pyetur në lidhje me axhendën ndërkombëtare të opozitës, në një përplasje të mundshme të saj me kancelaritë europiane, Basha theksoi: ?Edhe një here, dua të sqaroj se premisa se PD është armiqësore është një premisë e gabuar. Partia Demokratike ka marrëdhënie të shkëlqyera me komunitetin ndërkombëtar. Unë kam qenë në vizita të shkëlqyera në Uashington, në Bruksel dhe do të jem prapë në ditët e ardhshme.Fevziu: Ku do të jeni?

Basha: Në të gjitha qendrat kryesore të vendimarrjes politike perëndimore.

Fevziu: Përfshi Uashingtonin?

Basha: Në gjitha qendrat kryesore. Do ti keni hap pas hapi të gjitha detajet. Pse pritem unë? Nuk pritem si njeri i problemeve por si njeri i zgjidhjeve të ardhme perëndimore të Shqipërisë. Ajo që unë ofroj dhe ajo që kryeministri aktual nuk ofron, është garancia për një Shqipëri të standardeve europiane dhe amerikane. Pa dyshim, ti këtë e ke parë edhe në deklaratat e ndërkombëtarëve, kauza e zgjedhjeve të lira dhe të ndershme, kauza e luftës kundër krimit, kauza e luftës kundër drogës është mbështetur?, përfundoi Basha./CityNews





Lajmet e fundit nga