web counter
LEXO PA REKLAMA!

SHKARKO APP

App Store
Google Play

Zbardhet strategjia/Nga kush dhe si do të drejtohet LSI pas “largimit” të Metës

28 Prill 2017, 08:55, Aktualitet CNA

Kreu i LSI, Ilir Meta pritet të marrë sot pasdite postin e Presidentit të Republikës pas mbështetjes që i është dhënë edhe nga Zoti Allister dhe vetë Kryeministri, Rama i cili dje tha se edhe vetë PD, president më të mirë se Ilir Meta nuk do të gjente në gjirin e saj.

Zgjedhja si President e detyron Ilir Metën të japë dorëheqjen nga kryetari i LSI, por forca e tretë politike në vend nuk do të ngelet pa drejtim edhe pse formalisht.

Drejtimin e LSI, pritet ta marrë zëvendës kryetari i saj, Petrit Vasili, ministri aktual i Drejtësisë. Vasili njihet si një nga njerëzit më të afërt dhe bashkëpunëtorët më të ngushtë të Ilir Metës. Në zgjedhjet e fundit të LSI,a i kishte një status më special, nuk ishte thjesht një nënkryetar, por Ilir Meta e quajti zëvendës, pra direkt mëkëmbësin e tij.

Burime zyrtare nga LSI, i thanë CityNews se drejtimin e partisë do ta mbajë Petrit Vasili deri në zhvillimin e zgjedhjeve të cilat mund të mbahen në vjeshtë. Pra LSI, nuk do të zhvillojë një fushatë organizative apo procesin e zgjedhjes së kryetarit, por do të ruajë energjitë e saj në fushatën elektorale nën drejtimin e  Petrit Vasilit dhe shtabit të dytë kordinues për fushatën.

Në shtator LSI mund të zhvillojë zgjedhjet e kryetarit të saj të ri që pritet të jetë sipas parimit një anëtar, një votë dhe me disa kandidatë./CityNews





Lajmet e fundit nga