web counter
LEXO PA REKLAMA!

SHKARKO APP

App Store
Google Play

E fundit!

x

Pranga adoleshentëve/ Grabitën me dhunë bashkëmoshatarët

27 Prill 2017, 10:54, Aktualitet CNA

Burimet zyrtare të Policisë kanë bërë me dije se tre adoleshntë janë arrestuar në flagrancë pasi, në bashkëpunim midis tyre, vodhwn me dhunë dy bashkëmoshatarë.

Specialistët e Seksionit për Krimet në Komisariatin e Policisë Pogradec, realizuan kapjen dhe arrestimin në flagrancë të shtetasve: N.K, 16 vjeç, L.B, 16 vjeç dhe  L.Sh, 16 vjeç, të tre banues në Pogradec. Prangosja e tyre u bë pas kallëzimit  të bërë më datë 26.04.2017 nga shtetasit G.Ç., 16 vjeç dhe M.O., 14 vjeç, të dy banues në Pogradec, të cilët kanë deklaruar se në një rrugicë të lagjes nr. 1 në qytetin e Pogradecit, u kanë dalë tre persona të maskuar të cilët i kanë goditur dhe iu kanë marrë me dhunë këtyre  të fundit një telefon celular të markës ?Samsung Galaxy S6? në pronësi të G.Ç,  si edhe një varëse argjendi të cilën e mbante në qafë shtetasi M.O.

Menjëherë pas marrjes të këtij njoftimi, shërbimet e Komisariatit të Policisë Pogradec kanë koordinuar veprimet e tyre, të cilët  duke siguruar edhe informacione në rrugë operative kanë bërë të mundur identifikimin e autorëve të kësaj ngjarje dhe kapjen në flagrancë të tyre.

Tre shtetasve të mësipërm, iu gjet dhe sekuestrua në cilësinë e provës materiale telefoni celular si edhe varësja. Materialet për hetime të mëtejshme i kaluan Prokurorisë për të mitur për veprën penale ?Vjedhja me dhunë, e kryer në bashkëpunim?, parashikuar nga neni 139 e 25 të Kodit Penal./CityNews





Lajmet e fundit nga