E fundit!

11:42 Aktualitet

“Historitë e mesazheve i di ajo”/ Përplasje e fortë mes Metës dhe Kryemadhit në gjyq: Mos u merr me llafe grash

Debate të ashpra kanë ndodhur në sallën e gjyqit mes kreut...

Situata sipas medias gjermane/ Mosmbajtja e zgjedhjeve dështim i qeverisë

27 Prill 2017, 10:04, Aktualitet CNA

?Kryetari i Komisionit të Politikës së Jashtme në Parlamentin Europian, David McAllister nuk ia doli dot të ndërmjetësojë mes dy partive kryesore në Shqipëri. Partia Demokratike këmbëngul në largimin e kryeministrit, Edi Rama dhe krijimin e një qeverie teknike për zgjedhje të ndershme. Socialistët ranë dakord për një qeveri të përkohshme, me përfshirjen e politikanëve opozitarë, por refuzojnë dorëheqjen e Ramës?. Kështu e nis shkrimin e botuar ditën e sotme gazeta presticioze gjermane ?Frankfurter Allgemeine Zeitung?, shkrim të cilin ja dedikon situatës që sundon vendin e vogël ballkanik ku: ?Bllokimi i Parlamentit ka traditë në luftën partiake?, sikurse ajo thekson më tej. Dhe më tej vijon?

?Partia Demokratike këmbëngul në largimin e kryeministrit, Edi Rama dhe krijimin e një qeverie teknike për zgjedhje të ndershme. Socialistët ranë dakord për një qeveri të përkohshme, me përfshirjen e politikanëve opozitarë, por refuzojnë dorëheqjen e Ramës. Dështimi i afateve të regjistrimit për zgjedhje, si nga Partia Demokratike, që nuk u regjistrua në KQZ, por edhe nga ana e Partisë Socialiste, që la të kalojë afati për regjistrimin e koalicioneve, është një sinjal i keq. Nëse në këto kushte do të bëheshin vërtet zgjedhje, atëherë partia e udhëhequr nga Edi Rama ka një fitore të sigurt me rreth nëntëdhjetë përqind të votave në favor. Problemi është se zgjedhje pa opozitën nuk shihen me sy të mirë në Bashkimin Europian, Unioni të cilit Shqipëria do t?i bashkangjitet?Por afatet kanë kaluar dhe korrigjimet prapavepruese nuk janë më të mundura. Në këto kushte, ka më shumë mundësi që zgjedhjet e dekretuara nga Presidenti për tu mbajtur në 18 qershor të mos zhvillohen dot dhe ky është një dështim i rëndë për qeverinë e majtë?Bllokimi i Parlamentit ka traditë në luftën partiake shqiptare. Në vitin 2009 atë e bllokuan socialistët, të cilët nuk donin të pranonin humbjen në zgjedhje. Konfrontimi i atëhershëm mes dy partive ka kaluar në një armiqësi të hapur që vazhdon deri më sot. Skandalet korruptive të demokratëve dhe drejtësia nën ndikimin politik ishin argumentet kryesore me të cila fituan zgjedhjet socialistët në vitin 2013? Edi Rama që kishte një mazhorancë solide, premtoi transparencë, reforma radikale, sidomos në drejtësi. Por tani, në fund të mandatit të tij, ato kanë mbetur vetëm fjalë boshe. Shqipëria sot ndodhet në vendin e parë të prodhimit të kanabisit në Europë?Me prodhimin e hashashit rritet edhe influenca e baronëve të drogës, që kanë mjaftueshëm para për të blerë politikanë, gjykatës dhe policë. Shqipëria, vend anëtar i NATO-s po kthehet gjithnjë e më shumë në një rrezik. Me shqetësim janë pritur edhe veprimet e njëanshme politike të Ramës, si dhe deklara për bashkimin e Shqipërisë me Kosovën, nëse BE nuk i pranon këto vende shpejt në union./ CityNews