E fundit!

11:30 Aktualitet

Kultura nën drejtimin e Gonxhes/ Nënfinancimi dhe pasojat në tregun e punës

Raporti më i fundit i INSTAT për vitin 2025 zbulon një rea...

Nesër beteja finale/ A do ta t’ja dalin ambasadorët

27 Prill 2017, 08:40, Aktualitet CNA

Një ditë para përfundimit të afatit të regjistrimit të partive në KQZ për pjesëmarrjen në zgjedhjet e 18 qershorit, nisur nga situata e mbetjes në të njejtën pikë ngërçi politik, tre ambasadorët kryesorë të trupës diplomatike,përkatësisht ai amerikan, Donald Lu, ambasadorja e BE-së, Romana Vlahutin dhe homologu i saj i OSBE, Bernd Bochard, janë rikthyer ne aksion veprues për betejën finale.

Betejë që vjen pas dështimit të martën mbrëma të negociatave midis dy mediatorëve të PE-së David Mc Allister?Knut Frenkestein, të cilët përkundër asaj që pritej nuk ja dolën ti pajtonin palët në konflikt. Dhe u larguan duke e lenë ngrehur çarkun e konfliktit që po rrezikon mbajten e zgjedhjeve të dekretuara nga Presidenti i Republikës për në datën 18 qershor.

Përpjekja e ambasadorëve shihet si i fundit aksion i ndërkombëtarëve për të shpëtuar zgjedhjet, që prej tyre shihen si e vetmja valvul shkarkimi e mllefit politik, i cili rrezikon jo vetëm procesin zgjedhor por edhe stabilitetin e vendit e më gjerë, në ndërkohën kur konflikti ndërballkanik mbetet evident.

Duke anashkaluar me koshiencë Lulzim Bashën, drejtuesin e PD-së, i cili tashmë e ka profilizuar qëndrimin e tij të prerë se refuzon të pjesëmarret në zgjedhje, nëse kërkesa e tij për qeveri teknike nuk realizohet, këtë herë ambasadorët kanë zgjedhur të bisedojnë me aleatët e tjerë të koalicionit opozitar.

I kanë ftuar për takim nëpërmjet dërgimit të një mesazhi të shkurtër me sms, duke i bërë me dije të jenë pjesëmarrës ditën e premte, në datën 28 prill, në orën 10:00. Kanë ftuar në këtë takim Ben Blushin, drejtuesin e partisë LIBRA, Agron Dukën, kryetarin e Partisë Agrare Ambientaliste, Nard Ndokën, kryetarin e Partisë Demokristiane, Dashamir Shehin, kryetarin e Lëvizjes për Zhvillim Kombëtar dhe Shpëtim Idrizin, kreun e Partisë për Integrim Drejtësi e Unitet.

Sikurse mësohet nga burime konfidenciale, qëllimi i takimit është të arrihet një marrëveshje midis palëve për tu pjesëmarrë në zgjedhje, në mënyrë që vendi i opozitës në Parlamentin 2017-2021 të mos mbetet bosh. E thenë troç kjo parakupton faktin që aleatët e vegjel të PD-së të dalin nga varka e kësaj të fundit dhe të vijojnë lundrimin të pavarur. Një shans ky për të përfituar deputet pa u lodhur shumë, po të kihet parasysh se mospjesëmarrja e PD, djegia e mandateve të deputetëve të saj, favorizon hedhjen e votave nga elektorati i saj në favor të aleatëve të vegjël.

Karemi është vërtetë joshës, mirëpo ende nuk dihet nëse oferta do të arrijë t?ja tjetërsoj mëndjen opozitarëve të vegjël./ CityNews