web counter
LEXO PA REKLAMA!

SHKARKO APP

App Store
Google Play

EKSLUZIVE/Rama mbledh firmat për të kandiduar Bamir Topi dhe Skënder Gjinushi

27 Prill 2017, 08:22, Aktualitet CNA

Kreu i qeverisë Edi Rama ka urdhëruar strukturat në varësi të tij në Partinë Socialiste, por edhe në administratë, që të mbledhin firmat e nevojshme, që i duhen Skënder Gjinushit me PSD dhe Bamir Topit, me FRD, për të kandiduar në zgjedhjet e 18 qershorit, thanë burime për CityNews

Gjinushi dhe Topi pritej të ishin aleatët e Edi Ramës në koalicionin e Rilindjes, por pas kalimit të afatit të regjistrimit të koalicioneve dhe ultimatumit për qeveri teknike të Partisë Demokratike, e vetmja zgjidhje e Kryeministrit është të fusë sa më shumë parti në zgjedhje, por duke garuar të vetme.

Kreu i qeverisë nuk i tërheq dot në koalicion Gjinushin dhe Topin dhe për këtë po mbledh firmat e nevojshme për këto dy subjekte që të kandidojnë të vetëm në zgjedhjet e 18 qershorit.

Që Gjinushi dhe Topi të regjistrohen në KQZ duhet të kenë të paktën pesë mijë firma të cilat, në pamundësi të mbledhjes nga vetë këta, me urdhër të Kryeministrit po i mbledh administrata shtetërore dhe ajo socialiste./CityNews





Lajmet e fundit nga