web counter
LEXO PA REKLAMA!

SHKARKO APP

App Store
Google Play

E fundit!

x

Durrsakes i rishfaqet burri pas 7 vitesh/Gjen belanë nga sms që i dërgon

22 Prill 2017, 17:18, Aktualitet CNA

Një 54-vjeçar edhe pse ka shtatë vite që është ndarë nga gruaja, nuk ka qëndruar dot pa e kontaktuar. Pak kohë më parë ai i ka dërguar asaj në telefon mesazhe denigruese dhe poshtëruese.

Bëhet fjalë për shtetasin me inicialet T.Xh, banues në Gramsh, i cili është paditur nga 45-vjeçarja V.D, e cila banon në Durrës.

Sipas burimeve nga Komisariati i Policisë Durrës, janë referuar materialet në Prokurorinë e Rrethit Gjyqësor Durrës, për shtetasin T.Xh, pasi dyshohet se ka shqetësuar me telefon duke i dërguar sms, shtetases V.D, vjeç 45, banuese në Durrës.

Sipas burimeve nga blutë e qytetit bregdetar, për Panoramën, ata kanë qenë të martuar, kanë tre fëmije të rritur që jetojnë me familjet e tyre. Çifti mësohet se është divorcuar para shtatë vitesh. Gruaja jeton në Durrës, ndërsa ai në Gramsh.

T.Xh mësohet se pas ndarjes nga V.D, nëna e tre fëmijëve të tij, ka pasur edhe  një martesë të dytë, por edhe prej saj është ndarë. Kohët e fundit ai ka nisur të ngacmojë me mesazhe shqetësuese ish-gruan e parë, për t?i ulur dinjitetin asaj, jo me qëllim ribashkimin. Por ajo nuk ka duruar dhe e ka kallëzuar në Polici.

Mësohet se mesazhet ai i dërgonte teksa ndodhej nën efektin e pijeve alkoolike, pasi ishte kthyer në konsumator të rregullt të tyre./CityNews





Lajmet e fundit nga