web counter
LEXO PA REKLAMA!

SHKARKO APP

App Store
Google Play

Blushi/Po cënohen zgjedhjet, shpresoj që PD të mos e ketë seriozisht

22 Prill 2017, 16:23, Aktualitet CNA

Ditën e sotme deputeti dhe kreu i LIBRA-s, Ben Blushi në një takim me elektoratin e LIBRA-s, prezantoi kandidatët e kësaj partie për në Korçë.

Gjatë fjalës së tij në këtë takim, Blushi foli për cënimin që po u bëhet zgjedhjeve nga partitë e vjetra. Ndërsa për deklaratën e Bashës për të dalë në protesta masive në të gjithë Shqipërinë, Blushi tha se shpresonte që të mos e kishte seriozisht, pasi kjo do të ishte destabilizim.

?Shpresoj që ajo çka thënë PD të jetë një kërcënim dhe mos jetë një gjë serioze. Unë do të doja që kjo gjë të zgjidhej me kompromis dhe dialog pavarësisht se minutat e fundit janë duke shteruar dhe jemi në limit të kohës. Kam shumë pak shpresë që partitë e vjetra kanë aftësinë të gjenerojnë zgjidhje pa cënuar zgjedhjet, pa cënuar zgjedhjen e Presidentit dhe pa cënuar reformën në drejtësi. Kanë shumë frikë nga drejtësia, kanë shumë frikë nga ndëshkimi. Kjo është arsyeja që nuk do gjejnë zgjidhje, por cdo rast do të kërkoja që kriza të mund të zgjidhej me dialog. Çdo formë kërcënimi nga cilado palë do ishte e dëmshme se në radhë të parë do cënonte stabilitetin e Shqipërisë dhe ne nuk jemi në një faze kur mund të cënojmë atë që kemi arritur në 25 vjet. Duhet ti zgjidhim problemet tona me dialog, tavolinë dhe me zgjidhje, ndoshta me zgjedhje shumë më të shpeshta. Nuk e përjashtoj që jam i bindur në fakt që këto zgjedhje nuk do japin asnjë zgjidhje për Shqipërinë, duhet të kemi të paktën 2-3 herë në 2-3 vitet që vijnë?, tha ndër të tjera Ben Blushi./CityNews





Lajmet e fundit nga