web counter
LEXO PA REKLAMA!

SHKARKO APP

App Store
Google Play

E fundit!

x

Presidenti nga populli, një biznes-politik më pak

22 Prill 2017, 16:47, Aktualitet CNA

Në një sondazh të bërë nga CityNews lidhur me zgjedhjen e Presidentit të Republikës nga populli, duke ndryshuar kapitullin pëkatës të Kushtetutës, rezultati ishte befasues. Katërqind e pesëdhjetë e pesë të intervistuar qenë në favor të zgjedhjes së president nga populli, dhe vetëm pesëmbëdhjetë të tjera nuk e mbështesnin këtë propozim.

Është një diferencë përqindjesh, ?pro? dhe ?kundër?, që me pak më shumë e pak më pak e ndesh gjithandej e që flet qartë se Ben Blushi, kryetari i sotëm i LIBRA-s dhe deputeti i djeshëm i socialistëve, ka patur plotësht të drejtë kur këtë propozim e ka artikuluar për herë të parë në vitin 2007, kur sapo kishte përfunduar zgjedhja e presidentit Bamir Topi.

Një propozim i rikthyer sërish në muajin qershor të vitit 2016, kur për ta konkretizuar nismën e tij Blushi paraqiti edhe amendamentin përkatës në Parlament. Amendamentin që gjeti mbështetjen nga vetëm dhjetë deputetë dhe e vendosi propozimin Blushi në sirtarët e harresës.

Kjo është historia e shkuar e Presidentit nga populli, pasi amendamenti Blushi është bërë sërish kryetemë e ditës. E kanë lançuar atë të tjerë homologë të Blushit ( duke u përpjekur madje t?ia marin autorësinë), e ka përmendur çuditërisht edhe kryetari i PD-së Lulzim Basha(që më parë nuk ka qenë disponibël), por edhe vetë Blushi, që i?a rikujtoi harrestarëve politikë fatin e hidhur të të shkuarës së Presidentit nga populli.

Në më të fundin prononcim të bërë ekskluzivisht për citynews, Ben Blushi, e avancoi më tej iniciativën duke u shprehur se:? Meqë këto ditë jemi pa kandidat për President, ju ftoj të gjithëve ta votojmë dhe ta shpërndajmë peticionin e hapur ne faqen më të madhe të peticioneve në botë, change.org?, me të vetmin synim që ta masivizoj kërkesën e domosdoshme. Për ta detyruar shurdhpolitikën ta vendosë me urgjencë në axhendën e zgjedhjeve 2017 ish amendamentin e tij. Për t?ja marrë Presidentin e Parlamentit partive të vjetra.

Sepse nëse ende nuk e kemi një President nga populli fajin për këtë e ka pikërisht politika e vjetër e cila edhe këtë akt të shenjtë e ka kthyer në tregti. Thjesht në tregti, për t?ja shitur dikujt që i vjen për shtat oreksit të saj në mënyrë që nesër ky t?ja kthejë faqen sa herë t?ja kërkojnë.

Ky është shkaku që Presidenti shqiptar ka vetëm rolin e shpërndarësit  të dekoratave e distiktivave, si dhe qëndrimin prej sehirxhiu,  kur demat e politikës ndeshen dhe e përdorin presidencën për qëllime të mbrapshta okulte dhe jo për interesin e vendit.

Kjo është arsyeja e vërtetë përse Rama dhe Meta po luajnë me zgjedhjen e Presidentit të ri, për të arritur synimet e tyre politike nëpërmjet  pazareve, duke mos pyetur për pasojat që e kanë shpënë vendin në zgrip të krizës politike, e cila, po mos të menaxhohet, mund të shpjerë në një tjetër vit të zi, si ai 1997.

Mund të ndodhë kjo pasi politika ka në dorë edhe Presidentin, edhe presidencën e pushtuar nga arradha e zyrtarëve ushtar të politikës. Për t?ja hequr nga dora këtë artileri të rendë është e domosdoshme që institucioni ti kthehet taksapaguesve, por për t?ja arritur kësaj duhet që më parë vetë Presidenti të votohet nga populli për të qenë i gjithi i tij./Xhovani SHYTI– Citynews/

 

 





Lajmet e fundit nga