Intrigat e Ilir Metës për përçarjen e opozitës

18 Prill 2017, 08:36, Aktualitet CNA

Kreu i LSI, Ilir Meta, ka nisur intrigat për përçarjen e opozitës. Një ndër zërat më të fortë pro tij, drejtuesi i gazetës ?Telegraf?, Engjëll Musaj, shkruante sot se 8 deputetë të Partisë Demokratike po bashkëpunojnë me kryeministrin Edi Rama. Ai shkonte edhe më tej, kur thoshte se deputetes Majlinda Bregu i është premtuar posti i Presidentes. Në fakt, kjo nuk është asgjë tjetër veçse një lojë intriguese, pas së cilës fshihet Ilir Meta.

Meta është sulmuar ashpër nga një grup deputetësh të PD, të cilët i qëndrojnë mendimit se gjithçka që po ndodh në vend është për faj të dyshes Rama-Meta. Zërat ndryshe në Partinë Demokratike shprehen të bindur se Ilir Meta i LSI është bashkëqeverisës me Edi Ramën, ndaj dhe është i përfshirë në të gjitha skandalet e qeverisjes.

Intriga dhe trillimi me urdhër të Ilir Metës, thënë me ?gojën? e Musajt, nuk përbën gjë përveçse një përpjekje të tij për të krijuar krisje brenda të djathtës, në momentin kur opozita duket e bashkuar, solide dhe unike përballë dyshesh Rama-Meta, duke dhënë përgjegjësinë që i takon kreut të LSI, i cili akuzohet si paterica e Edi Ramës në qeveri.

Media pranë Ilir Metës dhe të financuara prej tij, apo shërbëtore për interesa klienteliste dhe korruptive shpesh sulmojnë zërat opozitarë që janë kundër bashkëkryetarit të mazhorancës, zëra të cilët denoncojnë publikisht dyshen Rama-Meta. Këto janë shqetësime për kreun e LSI, sepse ky i fundit do që çdo fatura ta kalojë vetëm tek Edi Rama, duke tentuar të dalë vetë i pastër dhe në mënyrë perverse politike të përdorë opozitën dhe PD si komardare për të shpëtuar veten e tij apo më keq akoma ta përdorë duke i sjellë si përfaqësues i saj.

Ilir Meta ka frikë nga akuzat e faktorëve me peshë brenda opozitës, të cilët prej vitesh theksojnë se PD duhet të ndjekë rrugën e saj dhe nuk mund t?i shkelë syrin një segmenti të mazhorancës po aq të korruptuar sa dhe vetë rilindja. Një kauzë kjo brenda opozitës, që ka gjetur një mbështetje totale, megjithëse linja zyrtare e PD dhe Basha shpeshherë i mbyllin syrin Ilir Metës. Tashmë që gjërat janë më të qarta dhe opozita duket më e kujdesshme në rrugën e saj, Ilir Meta dhe zërat e tij i kthehen diversionit dhe tentativës për përçarjen e opozitës pas mbylljes së pazarit të radhës brenda mazhorancës dhe konfirmimit të vazhdimit të koalicionit të rilindjes. Pra u shtuan dhe katër vjet mazhorancë Rama-Meta, ku ky i fundit kërkon të dalë i pa lagur, megjithëse është zhytur në detin e korrupsionit të qeverisjes së rilindjes./CityNews