E fundit!

12:36 Politikë

"Të thuash ke shpirtin e bukur, vetëm ti mund ta bësh"/ Lamallari ironizon Balliun: Je delirant

Ministri i Brendshëm, Besfort Lamallari në interpelancën e...

Nga Edison Ypi/Dora te koburja

18 Prill 2017, 07:16, Aktualitet CNA

Nuk vuaj më. Tani e di. Tashmë e kam të qartë. Si zgjidhen problemet, si të mos më ndali zemra, si të mos më bjerë damllaja. Tani e tutje ka ku më shkon dora. Te koburja. Që e mbaj gjithmonë me vete. Kudo ku jam, kudo ku vete, koburen kurrë s?e ndaj, koburen gjithmonë e shkrep, dhe frikë aspak nuk kam.

Ka ca që thonë se nga ?91-shi e tëhu Pluralizëm nuk kemi, Demokraci nuk jemi. Para këtij pohimi idiot mua mendja më mpihet, gjymtyrët më ngijnë, sytë më erren, veshët më shurdhohen. Këta që thonë këtë, unë nuk lodhem t?i bind se Shqipëria e sotme nuk është si Shqipëria e kurvit, Rusia e Stalinit, Italia e Musolinit, Gjermania e Hitlerit, Kina e Mao Ce Dunit, Kuba e Fidelit. Kur dëgjoj këta, mua dora më vete menjëherë tek koburja. Dhe pa u dhënë asnjë spjegim, koburen e nxjerr, në ballë ua shkrep.

Ka të tjerë që thonë se vdekjet e 21 janarit janë vrasje politike. S?lodhem unë t?i bind këta se pas atij 21 janari edhe për 21 milionë vjet nuk do ndodhi më kurrë që për të ardhur në pushtet zagarët e nomenklaturës të vriten në shesh gjyhnaqarët e provincës. Edhe me ata nuk e zgjas. Edhe me ata bëj të njëjtën gjë; Dora te koburja, gishti te këmbëza, bam në tamth.

Ose me ca pisa që hiqen majtista, progresista, për të cilët progresi edhe ideali dhe të gjitha broçkullat e tjera nuk janë gjë tjetër përpos porosi etërish kriminelë të pa nginjur me gjak. Edhe me këta teoricinë të kurvizmit provincial nakatosur me snobizëm metropolitan, bëj të njëjtën gjë. Gup me kobure nën mjekërr, dhe top në vend.

Me ata që flasin keq për dëshmorët e vërtetë të Shqipërisë, diversantat, veproj pak më ndryshe. Kur më dalin përpara ata ndyrësira që s?dinë se ç?është atdhedashuria, pasi dora më vete dora te koburja, ua zbraz koburen mbi kokë, nga lart. Me këta veproj nga lartësia që tu kujtoj aeroplanët, parashutat, dëshmorët.

Disa të tjerë që i vras me kobure janë ca që thonë se diktaturën shqiptare e sajuan partizanët e kurvit në bashkëpunim me Anglinë sipas udhëzimeve të Çurçillit. Këtyre koburen ua zbraz ku budallenjtë dhe frikacakët pëshpërisin thashethemet, rrëzë veshit.

Me ata që bëjnë gam-gam në kafene dhe nuk venë në Prokurori për të denoncuar korrupsionin dhe të tjera dreqnira, bëj këtë; Pasi dora më vete te koburja, u afrohem nga mbrapa, ua vë tytën nga pas në zverk, dhe i urdhëroj; ?Nisu qenbirqeni në Prokurori, mos e kthe kokën pas, po e ktheve ta zbraza?.
Me hajvanët që thonë se Shqipëria po fukarallepset e kam më të lehtë. Atyre u zë pusi? kur janë duke ngrënë si kafshë male mishi në ndonjë restorant. Ata sapo shohin dorën time te koburja, zverdhen, ngrihen në këmbë, ngrenë duart lart si nëpër filmat shqiptarë me italianë qesharakë dhe gjermanë frikacakë. Këtyre tytën e kobures ua rras brenda gojës plot me mish, dhe aty ua zbraz.
Thaj gjymtyrë, thyej brinjë, bluaj kocka, çaj kafka, ndal zemra, plagos shpirtra, kalb mushkri, modifikoj gjëndra, shqyej kraharorë, ndez ëndërra, turbulloj tru, sëmur mendje, shkaktoj epilepsira, dhe plot gjëra të tjera bëj kur më vete dora te koburja ime, që është pena./Ypi.com