web counter
LEXO PA REKLAMA!

SHKARKO APP

App Store
Google Play

Deputeti i PD ia kthen ministrit gjerman/Je i ri në detyrë, çfarë harrove!

18 Prill 2017, 07:02, Aktualitet CNA

Deputeti i Partisë Demokratike, Aldo Bumçi, ka komentuar deklaratën e fortë të ministrit të Jashtëm gjerman, Sigmar Gabriel. Ministri tha një ditë më parë se bojkoti i opozitës është absurd dhe se PD ka frikë nga drejtësia.

Në lidhje me këtë, deputeti Bumçi deklaron se ministri ka qenë i painformuar për shkak të detyrës të cilën ka pak kohë që e ka marrë.

Në një studio televizive, deputeti u shpreh se Gabriel nuk përmendi as drogën dhe as dekriminalizimin.
?Unë mund të them që ministri gjerman ishte i painformuar. Kjo mund të vijë nga fakti që ka pak javë që është në detyrë, pas lënies së detyrës nga ish-ministri i Jashtëm që u zgjidh president dhe ngarkesës së madhe që ka arena ndërkombëtare.

Gjermania mban një peshë të madhe në ketë skenë të madhe, marrëdhënia me Rusinë, Lindja e Mesme, kriza në Europë. Kështu mund të shpjegoj mungesa, shkëlqente në deklaratën e ministrit të jashtëm gjerman. Mungesa e përmendjes së drogës psh, e dekriminalizimit. Unë nuk gjej shpjegim tjetër që mund të jap.

Pra kur ke marrë detyrën në këtë post kaq të rëndësishëm në një kohë me kriza, çfarë ndodh në Shqipëri mund të duket si sherri që bëhet në një fshat pas malit. E parëndësishme, duket si një kokëçarje kur ke kriza të mëdhaja si Lindja e Mesme, Rusia, Koreja etj?, deklaron Bumçi./CityNews





Lajmet e fundit nga