web counter
LEXO PA REKLAMA!

SHKARKO APP

App Store
Google Play

E fundit!

x

Vendi i mistereve: fakte interesante rreth Trekëndëshit në Bermudes

17 Prill 2017, 20:58, Aktualitet CNA

Trekëndëshi në Bermude është një nga misteret më të mëdha të kohëve moderne. E quajnë gjithashtu atë edhe djalli, dhe është i vendosur në pjesën veriore të Oqeanit Atlantik në mes të Bermudes, Floridës dhe Porto Riko.

Në trekëndëshin e Bermudeve, në njëqind vitet e fundit, janë humbur të paktën një mijë jetë njerëzish. Çdo vit mesatarisht në këtë vend, të cilit ja ka dhënë emrin Vincent Gadis në një artikull në vitin 1964, zhduken 4 aeroplanë dhe njëzet anije/

Personi i parë që ka shkruar për Trekëndëshin e Bermudeve ishte Christopher Columbus. Në ditarin e tij më 8 tetor 1492, shkruan se në atë zone busulla pushon së punuari, por tri ditë më vonë ai vuri re një top zjarri në qiell.

Trekëndëshi i Bermudeve mbulon një sipërfaqe prej 1.140 kilometra katrorë në pjesën veriore të Oqeanit Atlantik në mes të Bermudeve, Floridës dhe Porto Rikos. Megjithatë, kufijtë e kësaj zone nuk janë fiks, meqë ngjarjet e çuditshme ndodhin jashtë kësaj kornize.

Brenda Trekëndëshit të Bermudeve, në ishullin Andros, qeveria amerikane ka vendosur Qendrën Atlantike për testimin dhe vlerësimin e zonave nënujore (Atlantic Undersea Test Evaluation Center), ku marina amerikane i teston nëndetëset e saj, hidrolokatorët dhe armët. Shumë teoricienë të konspiracionit besojnë se ajo është një zonë detare si zona homologe 51.

Në Trekëndëshin e Bermudeve njerëzit kanë përjetuar të ashtuquajturën ?mjegull elektronike?. Piloti Bruce Gernon pretendon se ai ka humbur 28 minuta, ndërsa udhëtonte nëpër këtë zonë. Avioni u zhduk nga radari ndërsa u shfaq në Miami për rreth gjysmë ore më vonë.

Një nga zhdukjet më të njohura të avionëve në historinë e zhdukjeve në Trekëndëshin e Bermudeve u zhvillua në vitin 1945. Pesë sulmuesit e silurëve të ushtrisë amerikane me 14 anëtarët e ekuipazhit fluturuan nga Fort Lauderdale në Florida në ishujt Bimini. Nëntëdhjetë minuta pas ngritjes në qiell operatorët morën sinjal se busullat e avionëve nuk punonin. Pastaj humbi çdo komunikim. Avionët nuk janë gjetur kurrë, e as tre avionë të tjerë që u nisën në mision shpëtimi.

Një nga tragjeditë më të mëdha në këtë zonë ka ndodhur në mars të vitit 1918, kur u zhduk anija e mallrave USS Cyclops, 165 metra e gjatë, në të cilën ishin 306 anëtarë të ekuipazhit dhe 10.000 ton mangan. Anija u mbyt diku mes Barbadosit dhe Gjirit Çespik, ndërsa mbetjet nuk u gjetën kurrë. I njëjti fat u ndodhi dy anijeve simotra të cilat në vitin 1941 lundruan në rrugë të ngjashme.

Trekëndëshi i Bermudas nuk është unik në zhdukje të pashpjegueshme të anijeve dhe avionëve. Në Oqeanin Paqësor, përgjatë bregut të Japonisë, është Trekëndëshi i Dragoit (zakonisht më i njohur si Deti i Djallit), në të cilin për një periudhë prej dy vjetësh, në vitet pesëdhjetë të shekullit të kaluar u zhdukën rreth 700 detarë, e për këtë arsye kjo zonë është shpallur zonë lufte./CityNews





Lajmet e fundit nga