E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

Premtimi i Edi Ramës për 300 mijë vëndet e reja të punës, si ai i Nanos për kthimin 100% të parave të fajdeve

13 Prill 2017, 09:38, Aktualitet CNA

Në Konventën Kombëtare dy ditore të mbyllur në 20 maj 2013, një muaj para mbajtjes së zgjedhjeve të përgjithëshme parlamentare të 23 qershorit 2013, socialistët e qenë në opozitë zyrtarizuan programin e cilësuar prej tyre si ?të duhurin për të rilindur Shqipërinë?.

Ndër shumë premtimet e bëra, kryetari i tyre Edi Rama, pretendent për kryeministër në rast fitoreje të zgjedhjeve, pasi i bëri një përmbledhje dokumentit, që do të ishte pjesë themelore edhe e programit qeverisës, deklaroi se krahas të tjerave, do të hapte 300 mijë vënde pune gjatë katër viteve të qeverisjes. Një premtim i bujshëm ky, sikundër ishte i tillë ulja e TVSH për energjinë, heqja e TVSH për mallrat e shportës, heqja e akcizës për karburantet etj.

Për të gjitha këto mrekulli të premtuar, një milion shqiptarë i?a besuan votat Rilindjes, që prej katër viteve ndodhet në krye të qeverisjes, me Edi Ramën kryeministër, ndërkohë që polemikat rreth mbajtjes apo jo të premtimeve vazhdojnë të mbeten pjesë thelbësore e debateve brenda e jashtë llojit. Pra i ka mbajtur premtimet e mësipërme Edi Rama?

Megjithë përpjekjet e sforcuara që bëjnë institucionet qeveritare për të rritur numrin e të punësuarve, edhe sikur vendi të kishte përjetuar ecje normale, shifra për hapjen e 300 mijë vëndeve të punës ishte e pamundur të realizohej. Kështu që ky premtim jo vetëm rezulton i pambajtur, por për katër vitet e ikura nuk është arritur të bëhet realitet as çereku i kësaj shifre. Pasi 300 mijë mijë vënde pune të reja nuk rezulton të janë hapur as në ndonjë vënd të BE, ku kriza është më pak reflektive sesa në vendin tonë.

Në këtë pikë Edi Rama kopjoi Fatos Nanon e porsadalë nga burgu i Bënçës, kur në mitingun e Vlorës u premtoi kryengritësve kthimin 100% të parave të humbura në skemat piramidale, edhe pse askush nuk ja kishte kërkuar e kur dihej se kjo ishte e pamundur.

Mirëpo Rama nuk e mbajti premtimin as për uljen e TVSH së energjisë, që vijon të jetë 20%, duke i këputur në mes konsumatorët xhepazbrazur, sikurse të pambajtura rezultojnë të jenë edhe premtimet për heqjen e TVSH për mallrat e shportës, apo heqjen e akcizës së karburanteve, që rezlton e ngritur madje.

Ne si citynews jemi të prirur të besojmë se Edi Rama i ka mbajtur premtimet e bëra katër vite më parë, dhe se ka qenë bashkëqeverisësja LSI që ia ka sabotuar punën. / CityNEWS