E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Zbulohet vjedhja e fundit e LSI/Hapet thesi 50 milionë dollarë

13 Prill 2017, 08:38, Aktualitet CNA

Skandalet në qeverinë e Rilindjes nuk ndalen. Këtë herë nuk janë konçesionet apo ministrat socialistë, por një segmet i qeverisë ai që mbulohet ekskluzivisht nga LSI dhe Ilir Meta.

Dje ka kaluar në Komisionin e Ligjeve shtesa prej 35 milionë euro për investimin në Rrugën Tiranë-Elbasan, shumë e cila është afërsisht sa totali i vlerës që u përdor për të hapur një nga tunelet 2.2 dhe 2 km të këtij aksi rrugor.

Shuma duket të jetë shumë e madhe, dhe krejtësisht e pa justifikuar. Një segment 4 km do të vlejë 35 milion euro, pra rreth 8.7 milion euro km, kjo shumë shtesë mbi vlerën fillestare të investimit.

Sot qeveria dhe ekskluzivisht Ministria e Transporteve dhe Infrastrukturës jep 35 milionë euro ose afërsisht 50 miliardë lekë, vlera e djeshme 50 milion dollarë. Një shumë disa herë më e madhe me vlerat reale dhe investimin e kryer apo parashikuar edhe në projekt. Kjo për faktin se vlera e një km në segmentin Elbasan-Tiranë ka kushtuar sipas projektit, sokol dervishi tenderit dhe zbatimit gjatë qeverisë së mëparshmë afërsisht 6 milion dollarë, ndësa sipas shumë se dhënë së fundi është afërsisht 9.2 milion dollarë ose 50% më shumë.

Por vlera reale është edhe më e madhe por të kemi parasysh se 4 km rrugë në investimin fillestar i kanë të parashikuara 6 milionë dollarë për km, duke ju shtuar edhe 9.2 milionë dollarë të shtuar dje, vlera e një km në këtë segment 4 km shkon 15.2 milion dollarë. Vlera totale e 4 km rrugë shkon 60 milion dollare që është një shtesë 30% mbi vlerën totale të investimit që në total për gjithë segmentin rrugor Tiranë-Elbasan është 160 milionë dollarë. Pra e gjithë rruga kushton 160 milion dollarë, 4 km kushtojnë 60 milion dollarë.

Në katër vite vlera rritet më shumë se dy herë, po të kemi parasysh edhe vlerën e dollarit të 6 viteve më parë shumë është edhe më e lartë. Kjo për faktin se vlera e dollarit në kohën e tenderit, sipas kursit zyrtar ka qenë 106 lekë ndërsa sot është 127.7 lekë.

Skandali i Ministrisë së Transporteve dhe Infrastrukturës nuk ndalet vetëm me kaq. Dje në komision u pa qartë se Sokol Dervishaj, nuk kishte përpara asnjë plan investimesh apo projekt konkret për këto 35 milionë euro. Deputeti socialist, ish-kryeministri Pandeli Majko tha se rasti i këtij inevstimi po krijon në precedent të rrezikshëm, çka tregon se vetë deputetët janë të vetëdishëm që shumë është më e madhe se realiteti dhe dyshimet për vjedhje janë edhe më të mëdha.

LSI ka bërë gati thesin e parave që i duhen për fushatë dhe nga këto 35 milionë euro apo 50 milionë dollarë, miliona mund të shkojnë për Sokol Dervishin sot ministër, dje shefi i kabinetit të Ilir Metës, një nga njerëzit e tij më besnikë të kreut të LSI. Pa harruar një tjetër hajdut me çizme që është në krye të drejtorisë të rrugëve edhe ky mik i Metës dhe mbështetës i fortë i Monika Kryemadhit dhe Edmond Haxhinastos në fushatën e Elbasanit.

Por skandali me 35 milion eurot shtesë të rrugës Tiranë-Elbasan, nuk mbaron vetëm më shifrat e mësipërme. Citynews do sjellë të tjera të dhëna nga abuzimi me këtë investim./CityNews