web counter
LEXO PA REKLAMA!

SHKARKO APP

App Store
Google Play

Rruga e Arbrit me pagesë/ Ja sa para do të paguajë çdo makinë

13 Prill 2017, 07:15, Aktualitet CNA

Qeveria shqiptare ka vendosur që t?i japë një kompanie shqiptare, ndërtimin e rrugës së Arbrit dhe kjo e fundit ka marrë 46 muaj afat për ndërtimin e rrugës.

Mirëpo nga ana tjetër është vendosur edhe një tarifë kalimi për çdo makinë që do kalojë. Deri më tani thuhet se kjo pagesë do të jetë 4 euro, fitim ky për 3690 makina që priten të kalojnë në ditë dhe që do të ndahet gjysmë përgjysmë me qeverinë.

Ndërkohë, projekti arrin shumën prej 246 milionë euro dhe në ndërtimin e saj do të përdoren edhe fonde nga buxheti i shtetit.

?Duke aplikuar një tarifë mesatare prej 4 eurosh/ makinë të ardhurat nga pagesa e kalimit të rrugës do të jenë rreth 53 milionë euro për një periudhë 10­vjeçare. Gjysmën e kësaj shume prej 26.5 milionë eurosh e përfiton kompania dhe kjo vlerë zbritet nga shuma totale e të ardhurave nga shteti. Çdo e ardhur mbi këtë vlerë i takon direkt buxhetit të shtetit. Vlera prej 246 milionë eurosh është vlera totale për pagesat e shtetit, plus pagesat nga tarifat e kalimit të makinave. Çdo e ardhur që i takon shoqërisë nga pagesat e kalimit të makinave, 50 për qind e shumës, zbritet nga pagesa që do të bëjë shteti, pra shteti paguan diferencën për të arritur te vlera 246 milionë euro?, shpjegohet në relacionin e vendimit, të siguruar nga Panorama.

Qeveria vlerëson se nëse të ardhurat nga e rrugës nuk realizohen, risku do të merret nga kompania. ?Nëse do t?i referoheshim mënyrës se si janë shpërndarë risqet sipas këtij propozimi rezulton se kjo mënyrë përmbush parimin e shpërndarjes efektive të riskut, duke e bërë këtë projekt të partneritetit publik­privat të realizueshëm. Nga studimi i fizibilitetit rezulton se shoqëria ?Gjoka Konstruksion? ka marrë përsipër pjesën më të madhe të risqeve dhe së bashku me to koston e tyre. Gjithashtu, kompania merr përsipër riskun e mosrealizimit të 50 për qind të të ardhurave të pritshme nga pagesat e përdoruesve të rrugës?, shpjegohet në relacion./CityNews





Lajmet e fundit nga