E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

A po hetohet Vangjush Dako për konflikt interesi

13 Prill 2017, 08:22, Aktualitet CNA

Përveçse si kryebashkiaku më jetëgjatë i qytetit të lashtë të Durrësit, Vangjush Dako njihet edhe si një biznesmen i suksesshëm i betonit. Dako, i pabwrw ende kryabashkiak, rezulton të jetë pionieri i ngritjes së një kantieri ku prodhohej beton.

Koha kur ai nisi këtë sipërmarrje përkon me nevojën e madhe që kishte ndërtimtaria për beton gjë që e favorizoi të konvertohej nga pinjoll i familjeje me ?halle? në biznesmen me fitime kolosale.

Nuk duhet harruar se veprimtarinë e vet në fushën e biznesit tw betonit Dako e ka nisur dhe e ka vijuar në kohërat kur taksat e detyrimet e tjera ndaj shtetit mund të fshiheshin e të mos derdheshin dhe kjo ishte një favorizim i madhe për arkën e biznesit që ai kishte në pronësi.

Por le ta lëmë këtë anë dhe të ecim më tej. Kur gjerat nisën të mblidhen dhe biznesi i betonit u shumëfishua Vanshush Dako kapërceu në politikë. Saktësisht në kapjen e vendit të kryebashkiakut të Durrësit, i cili kishte në dorë të gjitha investimet infrastrukturore të qytetit e më tej, çka donte të thoshte se duke qenë në rolin e kryebashkiakut Dako mund të orientonte edhe përfitimet nga biznesi i betonit.

Sipas ligjeve në fuqi, mjaft që ai tja delegonte drejtimin e kompanisë së ndërtimit dhe prodhimit të betonit njerit prej pjesëtarëve të familjes dhe kjo mjaftonte për të qenë në krye të Bashkisë. Kështu që Dako përzgjodhi të vëllain e tij, Edmond Dako, për të qenë drejtues i kompanisë, identiteteti i të cilit rezulton të jetë edhe sot prezent në zyrën e QKR. Ku emri i Vangjush Dakos, si pronar i vetëm i tyre rezulton të jetë deri në vitin 2003, kur ai i hyri politikës, por pa e harruar dashurinë për betonin.

Kjo është arësyeja që prioriteti i punës së Vangjush Dakos, gjatë gjithë këtyre viteve të qënies kryebashkiak ka qenë ndërtimtaria që ha sa më shumë beton. Në këtë hulli hyn edhe zelli më i fundit me të cilin Vangjush Dako mbron ?Velierën?, vlera e projektit të të cilës llogaritet të jetë 6 milion euro, pjesa më e madhe e të cilave, sipas specialistëve , shkon për beton.

Për hatër të betonit, Vangjush Dako (apo Gjush betoni, sikundër e thërrasin rëndom ), ka preferuar të bëj kurban rrënojat arkeologjike që gjenden në zonën e Velierës.

Gjithçka për biznesin e tij, sigurisht, mirëpo ajo që të bën përshtypje është fakti se vetëm pse nuk ka të shënuar emrin e tij, Vangjush Dako, vijon të mos hetohet për konflikt interesi. Çudi, vërtetë, pasi në QKR emri i Gjushit rezulton të ketë qenë prezenti si pronar i vetëm, deri sa për formalitet ia kaloi të vëllait, Edmondit. Për punimet mbi zonën arkeologjike Prokuroria ka nisur hetimet, për përfshirjen e kompanisë së familjes Dako, ku konflikti i interesit është i pastër, ende jo. / CityNEWS