web counter
LEXO PA REKLAMA!

SHKARKO APP

App Store
Google Play

E fundit!

x

Pse i rrezikon politikanët, deputetët e zyrtarët ligji i ri antimafia

12 Prill 2017, 10:29, Aktualitet CNA

Në pjesën e tyre dërmuese formularët e vetëdeklarimeve të bëra nga zyrtarët, politikanët e deputetët në ILDKP nuk janë reale. Në shumë prej tyre nuk rezultojnë prona e të ardhura reale dhe, me organikën e inspektorëve që disponon, aktualisht, institucioni verifikues e ka të pamundur ta përballojë fluksin. Deklarimi vjen nga burime konfidenciale të ILPDK, një ditë pasi Komisioni parlamentar i Ligjeve ka miratuar në parim shtesat e bëra në të ashtuquajturin ?Ligji antimafia?, duke ja kaluar topin e miratimit përfundimtar Parlamentit.

Në fakt një ligj i tillë ka ekzistuar edhe më parë, por ndryshimet e bëra në të sjellin si të re jo vetëm forcimin, por edhe zgjerimin e rrethit të të përfshirëve në hetim verifikues. Sepse pas miratimit në Parlament dhe hyrjes në fuqi, tabelë qitjeje e ligjit bëhen edhe politikanët, deputetët e zyrtarët e lartë, që konstatohet se janë të përfshirë në afera korruptive.

Nëpërmjet shtimit të katërmbëdhjetë veprave të reja, ligjërohen rrugët që duhen ndjekur për funksionimin e mekanizmit që sakaq nuk kursen askënd. I vetmi ndryshim midis funksionimit të ligjit antimafia për grupet kriminale dhe politikanët e korruptuar, qëndron tek njësia hetimore, që në rastin e hetimit të politikanëve e qeveriatarëve do të jetë Prokuroria Speciale Antikorrupsion.

Magazina furnizuese e kësaj njesie do të vijoj të jetë kryesisht ILDKP, në arkivat e të cilës mendohet  të gjenden edhe ?xhevairet? e politikës, si dhe të deputetëve e zyrtarëve që janë pjesë e detyrimit ligjor të deklarimit të pasurive.

Në prononcimin e tyre për Cityneës,burimet konfidenciale të këtij institucioni thanë se në deklaratat  e derisotme të vetëdeklarimit ka dyshime, edhe të provuara, se gjenden prona e pasuri të pashenuara, por që dyshohet se u janë deleguar të afërmve. Bëhet fjalë,kryesisht për motra,vëllezër, baballarë, kushërinj të parë të të dy krahëve, por edhe vjehri, vjehra etj. Fenomeni ka qenë i stimuluar nga fakti se në ligjin e parë antimafia detyrim ishte deklarimi i pasurive të qena në emër të personit vetëdeklarues, bashkëshortes dhe fëmijëve, ndërkohë që në antimafian e ndryshuar ky rreth zgjerohet  duke përfshirë deri dhe xhaxhallarët, dajallarët, hallat, tezet si dhe fëmijët e tyre.

?Në kuadër të reformës në drejtësi, momentalisht jemi duke u marrë me pasuritë e gjyqtarëve dhe prokurorëve. Më të përfunduar, do të nisim me verifikimin në terren të deklaratave të deputetëve, politikanëve e zyrtarëve të lartë që përfshihen në këtë proces?, thanë burimet e ILPDK, duke ripërsëritur se të gjitha pronësitë që do të rezultojnë se nuk e justifikojnë burimin do të sekuestrohen, njësoj si ato të grupeve kriminale./ CityNEWS





Lajmet e fundit nga