web counter
LEXO PA REKLAMA!

SHKARKO APP

App Store
Google Play

E fundit!

x

Takimi me Ilir Metën/Kjo është kërkesa e ministrit të Jashtëm të Kosovës

12 Prill 2017, 10:26, Aktualitet CNA

Kryetari i Kuvendit, z. Ilir Meta, priti Ministrin e Punëve të Jashtme të Kosovës, z. Enver Hoxhaj

 Kryetari i Kuvendit, z. Ilir Meta, priti sot Ministrin e Punëve të Jashtme të Kosovës, z. Enver Hoxhaj, me të cilin biseduan rreth bashkëpunimit dypalësh dhe zhvillimeve të fundit në rajon.

Kryetari i Kuvendit, Meta, vlerësoi bashkëpunimin e ngushtë mes Kuvendit të Shqipërisë dhe Kuvendit të Kosovës dhe theksoi se Kuvendi mbështet punën e përbashkët të dy Qeverive respektive në funksion të përmirësimit të cilësisë së partneritetit strategjik mes dy vendeve.

Ministri Hoxhaj shprehu mirënjohjen për mbështetjen e shtetit shqiptar dhe në veçanti të Kryetarit të Kuvendit të Shqipërisë ndaj rritjes së përfaqësimit të Kosovës në platformat rajonale dhe ndërkombëtare, veçanërisht në forumet ndër parlamentare. Z. Hoxhaj vuri në dukje se mbështetja e Shqipërisë është tepër e rëndësishme për zhvillimin e Kosovës.

Në përfundim Kryetari Meta dhe Ministri Hoxhaj diskutuan edhe mbi zhvillimet e fundit në rajon duke ndarë bindjen e përbashkët se forcimi i bashkëpunimit mes Shqipërisë dhe Kosovës i shërben stabilitetit dhe sigurisë së vendeve të tjera fqinje si dhe axhendës euro-atlantike të tërë rajonit të Ballkanit./CityNews





Lajmet e fundit nga