web counter
LEXO PA REKLAMA!

SHKARKO APP

App Store
Google Play

ZBULOHET PRAPASKENA/ Edi Rama prishi marrëveshjen historike

6 Prill 2017, 14:42, Aktualitet CNA

Një vendimarrje e kohës kur kryeministri i sotëm Edi Rama, ka qenë kryebashkiak i kryeqytetit është bërë shkak për prishjen e marrëveshjes historike, Nano-Berisha, në vitin krizual 2002.   Fakti i paditur vjen nga deputeti i PD-së ,Oerd Bylykbashi. I gjendur në atë periudhë kohore në rolin e ekspertit të OSBE-së, Bylykbashi ka rrëfyer për ?panorama? sagën e dhimbëshme, që zhvillohej në një situatë politike të rënduar, për shkak të problematikave të mëdha që shfaqën paszgjedhjet e vitit 2001. Për të zgjidhur atmosferën e ngërçit  palët pozitë-opozitë nisën takimet e para informale për të arritur një pakt të rëndësishëm politik për reformën zgjedhore, por edhe për zgjedhjen e një Presidenti konsensual. Atmosfera vinte e bëhej më e tensionuar pasi  PD kishte bojkotuar këshillat bashkiakë në  Tiranë e Durrësi.

?Negociatat e para kanë filluar në muajin Dhjetor 2001, dy muaj pas raportit të OSBE/ODIHR­ it. Në atë kohë, PD kishte mbyllur Kuvendin e saj, ndërkohë që në PS ishte përplasja Nano-­Meta dhe zgjedhja e Presidentit po shkonte drejt një vendimi të njëanshëm, pasi PS i kishte 84 votat. Në fund të janarit 2002, PD mbylli bojkotin e Parlamentit… Nisën negociatat për të përmbyllur bojkotin e pushtetit vendor… Rolin e negociatorit nga PD, e luanin Jozefina Topalli dhe Ilir Rusmajli, kurse për PS-­në Blendi Klosi dhe Taulant Dedja. Pjesë e negociatave ishte edhe ambasadori i OSBE­së Geert Ahrens dhe Jorgen Grunnet i Këshillit të Europës…. Atëherë kur u mendua se palët po shkonin drejt një marrëveshjeje konsensuale dhe PD vendosi të rikthejë këshilltarët e saj në këshillat bashkiakë, pakti rrezikoi të prishej, nga që Kryetari i Bashkisë së Tiranës në atë kohë, Edi Rama, vendosi të ndërmerrte hapin për shkarkimin nga detyra të 22 këshilltarëve të djathtë, me pretekst të mungesës së betimit dhe mungesës për 6 muaj me radhë në mbledhje..Kjo ishte një lëvizje e Ramës për të prishur konsensusin që po bëhej…?, kujton Oerd Bylykbashi / CityNEWS





Lajmet e fundit nga