E fundit!

07:24 Ekonomi

Monedhat e huaja në minimumin historik/ Kursi i këmbimit, 15 korrik 2026

Këtë të mërkurë një dollar amerikan blihet me 81.3 lekë dh...

EKSKLUZIVE-Skandali në Prokurori/Llalla kthen në detyrë prokurorët që akuzoi për korrupsion

6 Prill 2017, 13:16, Aktualitet CNA

Prokurori i Përgjithshëm Adriatik Llalla përfshihet në një skandal që lidhet me qëndrimet publike, emërimet e tij dhe shkarkimet e tij.

Në një dalje për mediat pak ditë më parë ai theksoi se kishte pezulluar dy vartës të tij të cilët i kishte çuar në ndjekje penale, por pak ditë më parë ata janë rikthyer sërish në detyrë, i thanë burime konfidenciale CityNEWS. Ngjarja

Llalla veprimet e tij ndaj shefes së Drejtorisë Gjyqësore, Alma Muça si dhe Prokurorit Artur Selmani i bëri të ditura publikisht në 23 shkurt 2017, Llalla i akuzoi ata pas një përmbysje të plotë të qëndrimit te akuzës në lidhje me ngjarjen me masakrën e ndodhur ne prill te vitit 2015 ne lagjen Çole te Vlorës. Gjate nje përplasjeje me armë mes dy grupeve, mbetën të vrarë tre persona ndërsa një tjetër u plagos.

Kjo përmbysje e plotë e qëndrimit të akuzës, ka krijuar dyshime te forta për nje afere korruptive, raportuan mediat në atë kohë. Në qender të skandalit të dyshuar ishin dy prokuroret e larte te Prokurorisë se Përgjithshme, Shefja e Drejtorisë Gjyqësore, Alma Muça si dhe Prokurori Artur Selmani.

Të dy personazhet e këtij skandali janë rikthyer në detyrë nga Prokurori I Përgjithshëm Adriatik Llalla. Vetëm pak ditë më parë Alma Muça kthehet si prokurore në Prokurorinë e Përgjithshme, ndërsa Artur Selmani, komandohet prokuror në Shkodër!

Veprimi i Adriatik Lllalës në shkurt 2017, duket të ketë qenë një zhurma e rradhës pasi është vetë kryeprokurori që e sfumon të gjithë akuzat e ngritura publikisht me kthimin në detyrë të vartësve që i akuzoi për korrupsion.

Skandali i vërtetë vazhdon të jetë vetë Prokurori i Përgjithshëm, i cili dje akuzonte vartësit sot i rikthen dhe emëron sërish në detyrë. Ose ata ishin të korruptuar, ose Llalla gaboi dhe bëri skandal publik diçka që nuk ishte e tillë?

Jemi përballë dy fakteve, akuzave të Llallës dhe rikthimit në detyrë nga vetë Adriatik Llalla, kryeprokurori i Shqipërisë./Citynews