Socialistët nuk i besojnë PDIU dhe LSI/ Janë kolonë e pestë e të djathtës

6 Prill 2017, 14:05, Aktualitet CNA

Ndërkohë që artikulimi i kreut të LSI-së,Ilir Meta, për ?Qeveri të Besimit? në vend të ?Qeveri Teknike?, dhe mbështetja që i bëri kësaj ideje Shpëtim Idrizi i PDIU mbetet ende në krye të debatit të gjithë spektrit politik, të vetmit që shprehen të kënaqur janë socialistët. Madje jo vetëm socialistët e bazës, që pakënaqësinë e shprehur hapur, por edhe ata të mandatuar për të qenë përfaqësues të saj në kuvend. Ndërkohë që militantët e etiketojnë si ?marrëveshje me tradhëtarët? faktin nëse Rama do të dakortësohet me propozimidenë Meta-Idrizi, deputetë të PS del të jenëtërësisht kundër, nisur nën argumentin se qeveria Rama e ka marrë votëbesimin mbarëpopullor në qershor të 2013. Të cituar nga ?Sot?, dy deputetë të PS-së, Arben Çuko dhe Sadri Abazi, e kanë cilësuar propozimin e Metës të mbështetur nga Idrizi, si hedhje të topit në fushën e PS për të sfiduar këtë të fundit, ndërkohë që futjen në lojën e LSI të PDIU e vlerësojnë vetëm për të përfituar sa më shumë vota.

?PDIU dhe LSI luajnë se u thotë Berisha, të dy vijnë nga i njëjti shtrat. Ekipi luan më mirë në fushën e vet, sepse e njohin fushën?, ka vlerësuar deputeti Arben Çuko. Përveçse është në të njejtën linjë me homologu i tij, Sadri Abazi, shprehet i befasuar nga qëndrimi i PDIU dhe LSI, pasi e sheh të pamundur që këto dy forca politike të braktisin zgjedhjet për hir të opozitës.

?Edi Rama do zhvillojë zgjedhje të lira dhe të ndershme. Si mund të thuash pa u zhvilluar zgjedhjet, që do manipulohen?! Nëse konstatohet se procesi është manipuluar, atëherë ne jemi të gatshëm të hapim kutitë. Ne jemi të gatshëm për t?ju ofruar siguri në zgjedhje. Në zgjedhje do marrin pjesë ata që kanë dëshirë për të konkurruar në zgjedhje. Nuk besoj se PDIU dhe LSI kanë luajtur mendsh që të mos futen në zgjedhje! Komisionet janë ndarë 50 me 50. Jemi të barabartë?, ka deklaruar Sadri Abazi.

?Nuk arrij ta vlerësoj ofertën e re dhe ultimatumin e opozitës për qeveri teknike e vlerësoj si të pavend?, ka vijuar të vlerësoj deputeti Andrea Marto, ndërsa deputeti Namik Kopliku ripërsërit: ?Si deputet, përfaqësues i votuesve të PS në qershor 2013, të cilët kanë votuar njëherësh për PS-në dhe Edi Ramën kryeministër, unë në Kuvend nuk kam të drejtë morale t?i nënshtrohem asnjë “llogarie politike” dhe aq me pak “presioni” nga kushdo qoftë, duke anashkaluar vullnetin e atyre që na zgjedhin me mirëbesim se përfaqësojmë ata dhe jo veten tonë personalisht?. / City NEWS