web counter
LEXO PA REKLAMA!

SHKARKO APP

App Store
Google Play

E fundit!

x

Pistoletën në kokë rojeve/Maskat grabisin policinë private, shuma që marrin

6 Prill 2017, 07:06, Aktualitet CNA

Një grabitje me armë zjarri ka ndodhur në Fushë-Prezë të Tiranës, gjatë orëve të para të mëngjesit të sotëm. Mësohet se 4 persona të maskuar kanë hyrë në ambientet e një firme private, polici private, dhe pasi kanë kanosur rojet e objektit, kanë arritur të marrin një shumë monetare prej 70.000 lekësh.

Kanë qenë vetë rojet e objektit ata që kanë njoftuar policinë e Tiranës rreth orës 04.23, pasi grabitësit janë larguar.

?Më datë 06.04.2017, rreth orës 04:23, ka ardhur një telefonatë tek Nr. 112, nga salla operative e një firme Sh.P.S.F.-je (polici private), se në Fushë Prezë, tek një firmë kanë hyrë 4 persona të armatosur.
Menjëherë janë nisur shërbimet e policisë ku kanë marrë kontakt me rojet e kësaj firme të cilët kanë deklaruar paraprakisht se:

Katër persona, ku dy prej tyre dyshohet të kenë qenë të armatosur kanë hyrë brenda rrethimit, ku personat e armatosur kanë arritur të neutralizojnë rojet, ndërkohë që dy personat e tjerë, kanë kontrolluar zyrat e kësaj firme. Këta shtetas kanë arritur të marrin një shumë monetare prej 70.000 lekësh?, thuhet në njoftimin e policisë.

Menjëherë në vendngjarje kanë mbërritur uniformat blu, ndërsa grupi hetimor po punon për identifikimin dhe kapjen e autorëve të kësaj grabitje./CityNews





Lajmet e fundit nga