Video-Gazetari “shpërthen” ndaj Veliajt/Propagandë e neveritshme!

5 Prill 2017, 15:29, Aktualitet CNA

Një video që po përhapet me shpejtësi në rrjetet sociale, tregon mënyrën se si ?reklamohet? kryebashkiaku Erion Veliaj. Videoja është bërë nga lapsi.al, ku shihet se punonjësit e bashkisë përdoren, për të bërë show Veliaj në media.

CityNews iu sjell më poshtë videon e plotë, e cila ka ngjallur mjaft reagime. Gazetari Bledian Koka ka shpërthyer me fyerje ndaj kryebashkiakut, duke ftuar qytetarët të shohin atë që ndodh në të vërtetë dhe të neveriten, pasi taksat i paguajnë vetëm për atë.

Ja reagimi i Kokës:

Qerthulli i Lalit
Velenia, eshte i madh fare. Merr kositesit e barit dhe i ve ne pune sa per llafe, merr llafet i shet per pune, punen e shet si fasade, fasaden e shet si arritje, arritjen si merite, meriten prej llogjeve si borxh qe ia kane tiranasit ta durojne, borxhin e perdor si nenshtrim, dhe nenshtrimin e siguruar prej llogjeve e perdor per sundim larg qofte… Shikojeni sesi punon makina e propagandes se Velenise, shikojeni sesi e keqperdor ky njeri pushtetin, shikoni e neverituni sepse taksat vetem per kete i paguani.
p.s…Puna (Posht), Fasada (Lart)

Një reagim i ashpër vjen dhe nga faqja sociale ?Nisja Thurje?, e cila shkruan se lali Eri monton të gjitha kronikat e bukura në Tv për të mahnitur ata që nuk jetojnë realitetin dëshpërues në Tiranë.

Ja reagimi:

Modeli i të bërit punë të lali Erit. Ja sesi montohen gjithë ato kronikat e bukura në TV, që mahnisin këdo që nuk jeton realitetin dëshpërues në Tiranë.
Fasadë, fasadë dhe përsëri fasadë. Ata puntorët që bëjnë sikur punojnë (me qëndrimin më të volitshëm për planet e regjizores) dhe imazhi që përcjell idenë se këtu Bashkia është në ball të punëve dhe po bën namin.

Një propagandë e shëmtuar, fasadë e pështirë që tenton të shpëlajë trurin e njerzve dhe tu bëjë atyre të jetojnë iluzionin e qytetit televiziv të lali Erit. Të harrojnë trafikun, ajrin e tejndotur, biletën e autobuzit, taksat super të larta, lejet e ndërtimit për kullat e larta që pasi na bllokuan tokën po na bllokojnë dhe diellin…
Të harrojnë realitetin e Erion Velisë dhe të jetojnë në iluzionin e Erion Neverisë./CityNews