E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Zbardhen arsyet pse palët nuk gjejnë zgjidhje/Ja profesionet e vërteta të politikanëve tanë!

5 Prill 2017, 14:23, Aktualitet CNA

Elvi Fundo

Skena politike shqiptare ditët e fundit po futet në një krizë të thellë prej eksponentëve të saj. Basha kërkon qeveri teknike, Rama thotë nuk ta jap, Meta thotë dua Ramën, por pa Lulin nuk vij, Idrizi tha sot se do Ilirin më shumë se Ramën, ia shkleli syrin dhe Lulit, Gjergj Bojaxhi thotë se do të hyjë në zgjedhje. Një lajm është i vërtetë, i stimuluar nga vetë palët.

Politika në vetëvete është si loja e shahut, ku lojtarët nëpërmjet lëvizjeve dhe strategjive të tyre përpiqen të zënë mat njëri-tjetrën për të fituar ndeshjen. Fitorja në politikë është mazhoranca.
Problemi qëndron te fakti se në Shqipëri politikanët tanë të shumë pak të nderuar nuk janë shahistë dhe me shumë pak gjasa mund të jenë politikanë të vërtetë. Prandaj, në nahijen tonë e kemi vështirë që të bëjmë një simultane shahu.

Është e pamunudur që të bësh një simultane shahu, kur kryeministrin e ke ish-basketbollist, kryetarin e PD, Lulzim Basha, ish-volejbollist, Ilir Meta i LSI ish-shtangist, Shpëtim Idrizi ish-futbollist, Gjergj Bojaxhiu alpinist. Shumica e të tjerëve i aplikojnë sportet për pasion, këta i kanë pasur profesion.

Simultanën e shahut mund ta bënim me ata që luanin shah dhe janë politikanë të vërtetë, me këta sportistët e dështuar që kemi pasur ne zor se mund të kemi shahhistë të vërtetë në politikën tonë.
Një shahist që ishte doktor është larguar nga skena drejtuese, disa mjeshtra të tjerë, duke parë sherrnajën që ndodh çdo ditë, i qëndrojnë shumë larg. Dhe prandaj në Shqipëri, fatkeqësisht nuk ka një lojë të vërtetë politike dhe një shah mes palëve, por sherr dhe përplasje, siç ndodh rëndom me sportin në fushat tona, ku tifozët, në rastin konkret militantët, shajnë nga motër arbitrin, që janë ndërkombëtarët. Palët akuzojnë për trukime, ku në rastin tonë janë shit-blerja e votës.

Dhe në fund fitues shpallet ai që grindet më shumë, ai që blen më shumë dhe ai që paguan arbitrin më shumë. Ndoshta do na duhet shmë kohë që në Shqipëri të shohim një simultane të vërtetë politike, pra një lojë shahu, ku të gjithë tifozët në fund të kënaqen me lojën e sfidantëve. Në fakt te ne nuk ka lojë, ne kemi sherrnaja dhe kriza./CityNews