web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet takimi i Koalicionit Opozitar/Çfarë kërkon “çadra e lirisë”

4 Prill 2017, 16:36, Aktualitet CNA

Kreu i Partisë Demokratike, Lulzim Basha, zhvilloi sot një takim me aleatët e Koalicionit Opozitar. Mbledhja u zhvillua në selinë blu dhe kishte në fokus zhvillimet e fundit politike.

Ndërkohë, pas mbledhjes selia blu ka zbardhur takimin e Koalicionit Opozitar, ku thuhet se rruga e vetme e daljes nga kriza është krijimi i qeverisë teknike.

Më tej, opozita ka zbuluar dhe 5 pikat që duhen për t?i dhënë një mandat të fortë qeverisë teknike.

Ja takimi i plotë:

Koalicioni Opozitar konfirmoi sot se rruga e vetme e daljes nga kriza është krijimi i qeverisë teknike, me mbështetje të gjerë politike, që do të punojë për të realizuar kushtet për zgjedhje të lira e të ndershme.
Duke përshendetur hapin e hedhur mbrëmë nga LSI për tu bërë pjesë e zgjidhjes së krizës së rëndë politike në vend, Koalicioni Opozitar rikonfirmon gatishmërinë për nisjen e dialogut politik për qeverinë teknike dhe fton Edi Ramën të heqë dorë nga kushtet dhe të vendosë interesat e vendit dhe të qytetarëve shqiptarë para interesave personale të pushtetit të tij.
Koalicioni Opozitar shpreh gatishmërinë e plotë për të punuar me të gjitha forcat politike pa asnjë paragjykim, për krijimin e qeverisë teknike, duke i dhënë asaj një mandat të fortë për:
1-Zbatimin e plotë të ligjit të dekriminalizimit.
2-Luftë efikase kundër narkotrafikut, krimit të organizuar dhe parave të drogës.
3-Përgatitjen e zgjedhjeve të lira e të ndershme.
4-Zbatimin e reformës në drejtësi, sipas përcaktimeve kushtetuese të 22 korrikut.
Kjo është e vetmja garanci për të organizuar zgjedhje të lira dhe të ndershme ku shqiptarët të votojnë lirisht, të zgjedhin lirisht dhe vota e tyre të mos tjetërsohet./CityNews





Lajmet e fundit nga