Pritet “furtunë” në radhët e policisë/Të gjithë drejtuesit që rrezikojnë

4 Prill 2017, 14:44, Aktualitet CNA

Largimi i Saimir Tahiri nga Ministria e Brendshme duket se do të sjellë furtunë në radhët e policisë. Ethet kanë nisur që prej disa ditësh, ku drejtori i Përgjithshëm i Policisë së Shtetit, Haki Çako, shkarkoi nga detyra drejtues dhe punonjës policie në disa rrethe, si të përfshirë në trafikun e drogës.
Burime të besueshme thonë për lapsi.al se ministri i ri i Brendshë, Fatmir Xhafaj, do të vazhdojë të mbajë në detyrë drejtorin e Përgjithshëm të Policisë së Shtetit, Haki Çako.

Ndërkohë, në listën ?e zezë? për t?u larguar nga detyra janë drejtori i Përgjithshëm i Hetimit të Krimeve, Ardian Çipa, dhe drejtori i Përgjithshëm për Rendin dhe Sigurinë, Altin Qato, dhe do të mbajë drejtorin e Përgjithshëm të Krimit Ekonomik në Policinë e Shtetit, Rebani Jaupaj.

Një prej emrave të lakuar është edhe ai i Skënder Kalemit, Drejtori i Hetimit për Sigurinë Publike në Drejtorinë e Përgjithshme të Shtetit, i cili ka në vartësi direkte të gjithë zinxhirin e policisë që ka përgjegjësinë për luftën kundër kanabisit.

Do të lëvizë edhe pjesën më të madhe të drejtorëve të policisë në qarqe, Jaeld Çelën që drejton policinë e Vlorës, Perlat Cullhaj që drejton policinë e Durrësit, Ermal Muçën që është në krye të drejtorisë së Policisë së Lezhës, Alban Çelën që drejton policinë e Shkodrës, Alfred Çepen që drejton policinë e Elbasanit, Aranit Arapin që mban postin e drejtorit të policisë së Gjirokastrës etj.
Nga kjo ?furtunë? mendohet se do të shpëtojë drejtori i policisë së Tiranës, Ervin Hado.

Në vend të Ardian Çipës, sipas burimeve të lapsi.al, mendohet se do të vijë Sokol Bizhga, që aktualisht mban postin e drejtorit të Drejtorisë së Studimeve Strategjike, një emër që pritet të hapë jo pak debat përsa i përket qëllimit që kanë lëvizjet e ministrit.

Sokol Bizhga e ka mbajtur këtë detyrë më parë. Ai e mori atë në vitin 2013, me ardhjen e PS në pushtet, duke zëvendësuar Agron Kuliçajn, por do të largohej një vit më vonë, pasi emri i tij u përfshi në një skandal të përmasave të mëdha.

Ndriçim Gjokona, një vrasës me pagesë që kishte bashkëpunuar me Julian Sinanaj, e akuzoi publikisht se e kishte nxjerrë me forcë nga zyra kur ai iu drejtua policisë së shtetit për të denoncuar Sinanaj.
?Pasi kemi ardhur në Tiranë jemi takuar me disa drejtues të kësaj drejtorie, ku më i madhi i tyre ishte Sokol Bizhga. Pasi i kam shprehur të njëjtat gjëra që thashë edhe në Durrës, kam pasur një debat me të dhe jemi shtyrë, pasi pretendonte që këto që thosha unë nuk jan ëtë vërteteta. Pasi pashë që nuk e mori seriozisht, jam drejtuar për në Neës 24?, deklaronte Gjokona.

Vetëm pasi e bëri publik denoncimin e tij në Neës 24 policia e Tiranës mundi ta arrestojë vrasësin me pagesë, Julian Sinanaj, përpara se ai të ekzekutonte një urdhër të biznesmenit Ilir Karcini për të vrarë biznesmenin e gazit Piro Bare.

Me ardhjen e Xhafës në krye të Ministrisë së Brendshme, Bizhga pritet të marrë sërish të njëjtën detyrë, nga e cila u largua nga ?skandali Gjokona?.

Në vend të Altin Qatos, me propozim të Haki Çakos, ministri i Brendshëm pritet të emërojë Albert Dervishin, ish?drejtor në Policinë e Tiranës./CityNews