E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Fiks Fare/ Faturistja vjedh 6 milionë lekë, drejtori ka "frikë" ta pushojë nga puna

4 Prill 2017, 18:21, Aktualitet CNA

Në zyrën e Ujësjellës Kanalizimeve Maliq, punonjësja Sonila Liço, gjatë kohës që ka punuar si faturiste ka përvetësuar rreth 600 mijë lekë të reja. Pagesa mujore të rreth 600 abonentëve të Maliqit të bëra gjatë viteve 2014-2016. Edhe pse gjatë një kontrolli të ushtruar nga drejtoria qendrore është vërtetuar përvetësimi që ka bërë punonjësja Liço, ajo vazhdonte të ishte ende në marrdhënie pune.

Fiks Fare, pasi mori informacion lidhur me këtë situatë u nis drejt Maliqit. Abonentët kanë paguar rregullisht dhe disponojnë librezat e firmosura dhe vulosura. Por në sistem për muaj të caktuar banorët dalin debitor pranë ujësjellësit. Vet abonentët shprehen të habitur për faktin që dalin debitor pranë zyrës së ujësjellsit, pasi librezat e tyre i kanë të vulosura dhe firmosura pas pagesave të kryera nga vetë ata. Para kameras së Fiksit banori Hysen K. i Maliqit tund librenzën e tij të vulosur dhe një shkresë nga ujësjëllësi, ku ai del debitor për një shumë prej rreth 75 mijë lekësh. “Unë i kam paguar tek faturistja dhe nuk e di pse me thonë që dalë debitor. Për këtë të përgjigjen ata”shprehet ai. fiksi 1

Ekonomisti: Banorët debitorw derisa faturusja të kthejë paratë e vjedhura

Bashkëpunëtorët e Fiksit u interesuan edhe pranë zyrës së Ujësjellsit në emër të abonentit që dilte debitor. Pas ballafaqimit me librezën, ekonomisti i kësaj zyre dhe finacierja e pranojnë që vet abonentët i kanë paguar lekët, por sipas tyre janë vjedhur nga faturistja. Ata i kanë thënë që nëse nuk do të paguajë debinë prej rreth 600 mijë lekësh do ta çojnë në hetuesi. “O lekat, o në hetuesi” shprehet ekonomisti. Gjithashtu ata pranojnë se kjo punonjëse është ende në marrdhënie pune pranë zyrës Maliq, por në pozicionin e shpërndarjes së faturave. Financjerja thotë se është vërtetuar që ka përvetësuar këto lekë, por nuk e dinë pse vazhdon akoma punë.
Drejtori i Ujësjellësit :nwse na hedh nw gjyq,nuk marrim dot paratw e abonentwve

Gazetarët e Fiks Fare intervistuan edhe drejtorin e ujësjellsit për fshatrat në Korçë. Në fillim të Shtatorit të vitit 2016 pranë kësaj zyre ka patur sinjalizime që nga faturistja e zonës Maliq rezultojnë parregullsi nga derdhja e pagesave në arkë. Pas këtyrë sinjalizimeve është ngritur edhe një grup pune për zbardhjen e kësaj situate.
Pas mbledhjes së gjithë faturave, rakordimit me librezat dhe dëshmitë e abonentëve u arritë në përfundimin se nga faturistja ishin përvetësuar plot 550 mijë lekë. Bashkë më kamatë vonesat shuma shkonte në 600 mijë lekë.

fiksi 2 Ky grup kontrolli doli me një raport në fund të muajit Janar. Sipas drejtorit pas marrjes së këtij raporti më datë 10 Shkurt kanë thirrur edhe faturisten e cila në fillim e ka kundërshtuar, por pasi është vënë para fakteve ajo e ka pranuar përvetësimin dhe ka premtuar se do t’i kthejë lekët.
Kjo zyrë nuk ka zgjedhur që ta çojë çështjen në prokurori apo gjykatë, pasi druheshin se do të zgjaste shumë si proces dhe abonentët e tyre do të ishin ende debitorë.

“Duke qenë se vet faturistja e pranoi fajin, ka shlyer edhe lekët dhe debitorët janë në rregull, nuk e di a ka vend për ta çuar çështjen në prokurori. Sepse tani nuk ka dëm ekonomik” u shpreh Vasil Stërjovski, drejtori i insituticionit të Ujësjellësit për fshatrat nga ku ka varësi edhe zyra e Maliqit. Sipas tij ai është këshilluar edhe me juristin i cili punon në mënyrë të pjesëshme pranë kësaj zyre dhe është i bindur se punonjësja ka shpërdoruar detyrën. Por sipas tij duke qënë se Sonila Liço tani është në një pozicion tjetër, ku nuk ka lidhje me lekë, ndaj edhe nuk është marrë ndonjë masë për largim nga puna kundrejt saj. Ajo ka deklaruar pranë komisionit që do të iki me dëshirë. “Nëse nuk ikën me dëshirë atëhere ne do të shikojmë mundësinë e pushimit nga puna. Gjithmonë duke u konsultuar me juristin pasi mos na hedh në gjyq, e fiton nesër, dhe na kërkon dëmshpërblim” pohon drejtori. fiksi 3
Fiks Fare kërkoi të takonte edhe juristin “part-time” të Ujësjellësit i cili pranoi t’i takonte në Bilisht. Në momentin që gazetarët mbërritën në Bilisht ai fiku telefonin, duke mos dhënë kështu asnjë shpjegim mbi ecurinë ligjore të këtij rasti kaq flagrant.

Shkarkimi i faturueses 24 orë pasi shkoi Fiks Fare

Një ditë më pas, kur grupi i xhirimit të Fiks Fare ishte kthyer në Tiranë, drejtori Vasil Stërjovski u nisi gazetarëve me email urdhërin e pushimit nga puna të punonjëses Sonila Liço. Urdhëri mban datën 23 Shkurt 2017 është firmosur edhe nga ish-fatursitja e cila është vënë në dijeni për ndërprerjen e marrdhënieve të punës me Ujësjellës Kanalizime të fshatrave, Korçë./CityNews