Nga: Xhovani SHYTI /Ç’fitoi Rama me “çadrat e bardha” dhe ç’pret Basha nga “çadra e lirisë”

3 Prill 2017, 10:34, Aktualitet CNA

Që aksioni protestues i ngritjes së ?çadrës së lirisë? dhe braktisja e Parlamentit janë kopjim i të njejtave aksione politike, që ka ndërmarrë Edi Rama në vitin 2009, për këtë nuk ka asnjë dyshim. Ndryshimi i vetëm në këtë mes lidhet me sasinë e çadrave të ngritura atëherë dhe tani, kohëzgjatjen e protestës, dimensionin dhe emërtesën e çadrave. Pasi motivi është i njejtë: Mbrojtja e lirisë së votimit dhe manipulimi i votave. Sikurse është i njejtë edhe aksioni politik që përveç protestës në çadër është shoqëruar edhe me braktisje të parlamentit.

Atëherë, i qenë në krye të opozitës Edi Rama pretendonte se qeveria e Sali Berishës i kishte manipuluar votat, kishte cënuar shenjtërinë e votimit dhe kishte arritur një fitore të pamerituar. Pas disa protestave të etiketuara si ?mbarë popullore? dhe të komentuara si ?shprehje e vullnetit të shumicës?, i ndikuar nga mospërfillja e kryeministrit Berisha, Edi Rama urdhëroi ngritjen e çadrave përpara kryeministrisë dhe qëndrimin në to. Çadrat e Edi Ramës, në ndryshim nga këto të Lulzim Bashës, ishin të bardha, ndaj dhe u thirrën ?çadrat e bardha?. Ato ishin më të vogla, të tipit ?alpin?.

Kjo e Lulzim Bashës ngjashmëron, nga madhështia, me ato që ngrinin sulltanët ndër fushime. Duke qenë se në të sundojnë ngjyrat e flamurit kombëtar është etiketuar si ?çadra e lirisë?, duke lenë të nënkuptuar fitimin e lirisë së votës, që është edhe motivi themelor i protestës. Dhe i njejtë me motivin e protestave e të ngujimit nën ?çadrat e bardha? të Edi Ramës, që në atë kohë ishte në krye të opozitës, si sakaq Lulzim Basha, dhe protestonte kundër Kryeministrit të asaj kohe, që ishte Sali Berisha.

Nejse, qëllimi i shkrimit nuk është krahasueshmëria e vlerave dhe objekteve, por arritja e qëllimit dhe efikasiteti i mjeteve të protestës. Ajo çka fitoi Edi Rama, atëkohë, çfarë pritet të përfitojë Lulzim Basha, në këtë kohë, dhe ç?përfituar e ç?përfitojnë shqiptarët?

Nga mospërfillja e Qeverisë ,?çadrat e bardha? të Edi Ramës mundën të rrezistonin vetëm tre ditë, ndërkohë që bojkoti parlamentar vijoi me muaj e muaj me rradhë.?Çadra e lirisë? e Lulzim Bashës po përjeton ditën e dyzetë e gjashtë të ngritjes, sikurse po për kaq ditë vijon braktisja e Parlamentit nga deputetët e opozitës.

Lëvizja protestuese e opozitës Rama e nisur pas zgjedhjeve të vitit 2009, nën motivin e vjedhjes së votave, përfundoi me rikthimin në Parlament të forcës politike që ai drejtonte, pas ?tradhëtisë? së Ilir Metës që shpejtoi t?i bashkëngjitej qeverisë Berisha.

Kështu që e gjithë sakrifica e opozitës Rama 2009 shkoi dëm.

Mirëpo Rama vërtetë humbi zgjedhjet por jo postin e kryetarit të PS-së të cilin referuar statutit të partisë, pas humbjes së zgjedhjeve të përgjithëshme parlamentare 2009, duhej ta linte. Ai e vetërikonformoi qëndrimin si Kryetar, duke sjellë si argument të ?fortë?, pikërisht motivin e humbjes si pasojë e manipulimit të zgjedhjeve. Pra, e përdori protestën vetëm për të krijuar alibinë që do ti shërbente në këtë pikë, gjë që në kushtet e një opozite të hapërdarë mund të funksionojë edhe tek Lulzim Basha.

Pasi, që opozita Basha nuk i fiton zgjedhjet, për një serë arsyesh, që nisin që nga mungesa e organizimit të strukturave partiake të bazës, konsumimi i lidershipit tradicional e mungesa e atij të ri etj., por edhe nga blerja e votave, kjo është evidente. Të humburit e mëdhenj në gjithë këto tollovi protestash janë taksapaguesit shqiptarë dhe Shqipëria që, sikurse humbi kohë në 2009 me aksionin pa bereqet të opozitës Rama, do të vuaj të njejtën vonesë të fatit të saj integrues euroatlantik. Protesta 2009 e Edi Ramës është eksperiencë e provuar, kjo e Lulzim Bashës 2017 pritet të konfirmohet. /CityNews