web counter
LEXO PA REKLAMA!

SHKARKO APP

App Store
Google Play

E fundit!

x

Si funksionon mekanizmi që rrezikon gjyqtarët e prokurorët nga vetingu

3 Prill 2017, 07:35, Aktualitet CNA

Megjithse parlamentarisht procesi i Vetingut duket se është i bllokuar për ato pjesë të ligjit që kërkojnë më shumë se 84 vota për tu miratuar, institucionet përgjegjëse  të verifikimi të pastërtisë së figurës dhe pasurive të gjyqtarëve e prokurorëve vijojnë punën normalisht. Duke folur në konkretësi, burime konfidenciale të CityNews, nga Inspektoriati i Lartë i Deklarimit dhe Kontrollit të Pasurive(ILDKP) shpjeguan se, përveç këtij institucioni, në vallen e madhe të hetimit të pasurive së gjyqtarëve dhe prokurorëve janë edhe dy homologë të tjerë, që e furnizojnë atë me të dhena.

Njëra është Drejtoria e Informacionit të Klasifikuar dhe tjetra Drejtoria e Pastrimit të Parave. Dhe ja si lëviz mekanizmi verifikues që në fund prodhon rezultatin e kualifikuar. Ndërkohë që i gjithë materiali me deklaratat e gjyqtarëve dhe prokurorëve është grumbulluar pranë ILDKP, pas sistemimit, ai u është ndarë inspektorëve përgjegjës për të verifkuar në terren vërtetësinë e pronësive. Për pronësitë e paluajtëshme janë hipotekat dhe zyrat e regjistrimit ato që furnizojnë me materialet e nevojëshme, kurse për vlerat monetare ka një bashkëpunim midis Drejtorisë së Pastrimit të Parave dhe bankave.

Drejtoria e Informacionit të Klasifikuar përfshihet në këtë valle për të dhenë informacion ?top sekret? të nxjerrë nga arkivat e Shërbimit Informativ Shtetëror SHISH. I gjithë ky materil i grumbulluar për secilin nga gjyqtarët e prokurorët i vihet në dispozicion trupës së Komisionit Vlerësues për të vendosur nëse kandidatët meritojnë të vijojnë karrierën apo duhet të përjashtohen nga rradhët e drejtësisë.

Deri tani ky proces po vijon normalisht dhe nga verifikimet është konstatuar se ka shumë mangësi në mbushjen e dekaratave të pasurive. Por dhe se për shumë emra gjkyqtarësh e prokurorësh janë dërguar disa letërporosi jashtë vendit, nga ku kërkohet informacion mbi të dhënat e tyre. / CityNEWS





Lajmet e fundit nga