web counter
LEXO PA REKLAMA!

SHKARKO APP

App Store
Google Play

E fundit!

x

Meta lë Bashën me gisht në gojë/Ku po shkon opozita?

3 Prill 2017, 08:18, Aktualitet CNA

Partia Demorkatike prej 45 ditësh vazhdon protestën e saj në çadër, midis dy institucioneve që drejtohen nga Edi Rama dhe Ilir Meta, dy bashkëkryetarët e mazhorancës.

Por kjo protestë në fakt sytë i ka pasur tek Ilir Meta dhe shpresa se ky i fundit nuk do hyjë në zgjedhje pa PD dhe do braktisë Edi Ramën.

Një shpresë që me darkën dhe pazarin e mbyllur një natë më parë është shuar. Lulzim Basha, deputetët apo eksponentët e PD të ushqyer nga gënjeshtra e Fahri Balliut se Meta po ikte nga Rama tashmë ngelën me gisht apo presh në gojë.

Ilir Meta nuk ikën nga Rama dhe marrëveshja duket të jetë e mbyllur midis të dyve, fakt që më shumë gjasa i jep më pak mundësi PD për të rrëzuar qeverinë, duke ditur brishtësinë e saj në parlament dhe numrat e pakët të deputetëve.

Ilir Meta ka bërë mjaft mirë llogaritë e tij. Ai nuk shkoi në asnjë parti, por priti tek LSI kush i lutej dhe kush i ofronte më shumë. Dhe qëndrimi i tij politikisht duket se vlen jo pak. Meta nuk kishte arsye të braktiste Ramën kur kishte riskun se ky i fundit mund te fitonte me Idrizin dhe Topin.

Së dyti, Meta në koalicion me Ramën, merr maksimumin e mandateve dhe përfaqësimi në pushtet mund ti shkojë 35%.

Ndërkohë si alternativë ka një opozitë që drejtohet nga një kryetar i dobët, ende i pabesueshëm, që i mungon elita dhe përfaqësimi i fortë politik. Çadra përballë zyrës nuk mundi ti mbushte mendjen Metës të braktiste Ramën, por ndodhi e kundërta e çoi me vrap tek Rama për të mbyllur çdo Pazar të ngelur pezull.

Tashmë opozita është edhe më e pashpresë. Ilir Meta nuk e dha zgjidhjen, shpresa e vetme është tek ndërkombëtarët të cilët në shumë raste kanë kërkuar që PD të kthehet në parlament, megjithëse duan që Shqipëria të ketë zgjedhje të lira. Por këto garanci për Lulzim Bashën, nuk duket se do vijnë nga qeveria teknike alternativë tani e mbyllur përfundimisht.

Pra e vetmja shpresë është që Basha të marrë garanci nga ndërkombëtarët dhe të gjendet zgjidhja për të dalë nga çadra, ose hapi ekstrem që mund të ishte ?vrastar?, bojkoti përfundimtar i zgjedhjeve. Kjo e fundit apo shkatërrimi i procesit zgjedhor mund të kishin jo pak pasoja për vendin dhe opozitën, duket të jetë një rrugë pa krye. Por problemi më akatual politik ngelet si do dalë Lulzim Basha nga çadra, tani që shpresa Meta u venit, e la me gisht në gojë dhe ndërkombëtarët nuk duken shumë mbështetës. Ndoshta Trump dhe administrata e tij mund të bëjnë mrekullinë ditët në vijim? Por thjesht ngelet një ndoshta./CityNEWS





Lajmet e fundit nga