web counter
LEXO PA REKLAMA!

SHKARKO APP

App Store
Google Play

Basha paralajmëron nga çadra/ Nuk do tërhiqemi! Të gjithë po humbin me Ramën në pushtet

3 Prill 2017, 10:14, Aktualitet CNA

Kreu i PD, Lulzim Basha, nga çadra e protestës tha se nuk do të tërhiqet nga kauza për zgjedhje të lira e të ndershme. Me theks të veçante për trajtimin e temës së varfërisë, ai u shpreh se Rama gënjen kur thotë se janë hapur 210 mijë vende pune, duke e akuzuar se kjo është një qeveri kriminele. Në vazhdën e akuzave, kreu i PD trumbetoi se të gjithë qytetarët po humbin me Ramën në pushtet.

?Jam dhe jemi më të fortë dhe më të vendosur se me çdo ditë që lamë pas, pa përmbushur premtimin që para jush dhashe, pa i shkuar vendimit per zgjedhje të lira e të ndershme, qeveri teknike dhe vetëm votë të lirë e të ndershme për qytetarët shqiptarë. Ky është fillimi i një beteje që do të garantojë Republikën e qytetarëve dhe jo politikanëve. Kjo betejë nuk do të vendoset, jo nga kompromisi për të ruajtur favoret e krimit, por nga vendosmëria për të mos u tërhequr, asgjë më pak se standardin evropian për zgjedhje të ndershme?, tha Basha.

Ai numëroi një sërë faktorësh pse emigracioni është një temë mjaft e mprehtë. ?200 mijë shqiptarë të larguar nga shtëpitë e tyre. Janë 200 mije tragjedi, drama të cilat flasin më shumë dhe më mirë se çdo polikan dhe çdo gazetar dhe janë produkti i drejtpërdrejte i një Shqipërie të varfëruar.

Emigracioni, largimi i shqiptareve, rënia ekonomia, renia e fuqisë blerëse janë dramat e përditshme në Tiranë, Durrës, në Elbasan, Shkodër e anembanë Shqipërisë. Në një fakt kishin të drejtë dje, edhe të djathte edhe të majtë po trajtohen njëlloj nga kjo qeveri. Të gjithë po humbin me Ramën e çetën e tij në këtë qeveri?, tha më tej Basha. /CityNews

 

 





Lajmet e fundit nga