E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

Nga Elvi Fundo/LSI tek Rama-Një histori me Petrit Vasilin, gazetarët dhe deputetin e PD

3 Prill 2017, 10:04, Aktualitet CNA

Rreth gjashtë muaj më parë, kur PS i kërkoi LSI të shprehej për koalicionin, Ilir Meta tha se kishte hallin e zgjedhjes kryetar dhe këtë çështje do ta vendosnin institucionet që do dilnin nga procesi zgjedhor në LSI.

Procesi u mbyll, përgjigje nuk pati. LSI po luante për të rritur peshën e saj elektorale dhe vetë Meta ishte mjaft i qartë.

Në atë kohë kam pasur një komunikim me kryetarin e atëhershëm të grupit parlamentar të LSI, Petrit Vasili. Pyetjes se a do vazhdonte dhe ku do shkonte LSI: me Ramën apo me Bashën? Vasili iu përgjigj: LSI nuk shkon asgjëkundi, tek LSI duhet të vijnë jo të shkojë ajo tek të tjerët.

Një përgjigje e ftohte dhe e menjëhershme e Vasilit e cila tregonte se gjithçka ishte e qartë. Meta e dinte peshën e tij dhe të forcës politike që përfaqëson. LSI nuk do shkonte asgjekundi, thjesht do priste ofertën më të mirë nga palët.

Rreth dy muaj më parë, një analist dhe mbështetës i Ilir Metës më thoshte se Meta do ikte, dhe kur e pyeta pse, më tha: nuk ri dot me të Gjatin se shikon ça bëhet.

Pak ditë më parë, në një kafe rreth çadrës flas më një mik gazetar shumë pranë Ilir Metës, që e do kryeministër. Ishte i bindur se zgjidhja po vinte, nuk do zgjaste as 10 ditë, Meta ikte nga Rama dhe këtë ja kishte thënë edhe një deputet i PD, afër Bashës.

Më pas takoj deputetin dhe e pyes si dukej situata, çfarë po ndodhte sipas tij. Më tha se kishte takuar mikun tim gazetar dhe ky i fundit i kishte thënë që Meta ikte nga Rama, shumë shpejt vinte zgjidhja, as 10 ditë nuk zgjaste. Basha në SHBA kishte dalë mirë dhe pritej vetëm vizita e të dyve drejt Amerikës.

Nga të gjitha këto biseda përmenda vetëm Petrit Vasilin pasi në atë kohë prononcimi i tij ishte zyrtar dhe u bë edhe lajm, të tjerat kanë qenë takime personale dhe jo pa qëllim nuk po i përmend personazhet. Por janë të rëndësishëm dhe me peshë në media dhe politikë.

Ajo që më bën përshtypje është fakti se në LSI, të gjithë donin të iknin nga Rama dhe kjo frymë e shumë individëve mbante me shpresë opozitën. Kjo e fundit dëgjonte broçkullat e ndonjë pazarxhiu dhe batakçiu afër saj dhe Metës më shpresën se ky po ikte nga Rama dhe PD do kthehej në pushtet me Ilir Metën.

Asnjë nuk dinte asgje, i vetmi i qartë dhe i saktë është Petrit Vasili shumë muaj me parë, i vërtetë dhe koherent. Të tjerët dëshirat personale i kthejnë në ?informacione të sigurta? për të treguar peshën e tyre pranë një kryetari, por në fakt askush nuk dinte asgje. Pazari Rama-Meta ishte mbyllur dhe të gjithë të tjerat ishin pjesë e lojës që të dy bënin në publik. Fatkeqsisht këtë e hëngrën gazetarë, analistë, deputetë e politikanë sa këndej e sa andej./Shkruar për Citynews