web counter
LEXO PA REKLAMA!

SHKARKO APP

App Store
Google Play

Tahiri-Veliaj “badigardët” e Ramës/Si i promovon kryeministri

2 Prill 2017, 09:41, Aktualitet CNA

Saimir Tahiri dhe Erion Veliaj janë dy socialistët më të preferuar të kryeministrit Edi Rama. Ky i fundit shfaqet pothuajse në çdo aktivitet nën shoqërinë e tyre, duke i kthyer kështu në badigardë të tij.

Edhe ditën e sotme, në Asamblenë Kombëtare të Partisë Socialiste, kryebashkiaku Erion Veliaj dhe ish-ministri Saimir Tahiri do të kishin vendin e nderit. Tahiri hapi i pari Asamblenë, duke mbajtur fjalën e tij para socialistëve. Ai u pasua nga kryeministri Edi Rama, i cili pas fjalës së tij i la radhën Erion Veliajt. Në këtë mënyrë, Rama shmangu apo la pas socialistët e vjetër, duke vënë në krye të listës dy të preferuarit e tij, Tahirin e Veliajn.

Por, ky nuk është rasti i parë ku Tahiri e Veliaj shfaqen në krah të kryeministrit Edi Rama. Ata ishin të pranishëm në inaugurimin e ?Pazarit të Ri?, një punë e kryebashkiakut Veliaj, ku ishte i pranishëm edhe Tahiri.

Saimir Tahiri dhe Erion Veliaj shihen si dy personat më pretendentë për t?i zënë vendin Edi Ramës në krye të PS-së. Ata janë në një luftë të hapur prej kohësh, se cili do të jetë pasardhësi i kryeministrit. Rivaliteti mes tyre rritet dita-ditës, teksa ata kopjojnë çdo lëvizje të njëri-tjetrit për të tërhequr vëmendjen e kryetarit.

Ende nuk dihet cili prej tyre do të marrë në dorë fatin e PS-së pas Ramës, por Veliaj dhe Tahiri shihen si dy pretendentët kryesorë për të pasuar këtë post./CityNews





Lajmet e fundit nga